‘മുന്തിരിവള്ളികൾ തളിർക്കുമ്പോൾ’ ഒഫീഷ്യൽ ട്രെയിലർ യൂട്യൂബ് ട്രെൻഡിങ്ങിൽ ഒന്നാമത്. വന്‍ വിജയം നേടിയ വെളളിമൂങ്ങയ്ക്ക് ശേഷം ജിബു ജേക്കബ് സംവിധാനം ചെയ്യുന്ന രണ്ടാമത്തെ ചിത്രമാണിത്. ചിത്രത്തിന്‍റെ ഒഫീഷ്യല്‍ ട്രെയിലര്‍ ഡിസംബര്‍ 10 നാണ് പുറത്തിറങ്ങിയത്. ചുരുങ്ങിയ സമയത്തിനുള്ളില്‍ നാലരലക്ഷം പേർ ട്രെയിലർ കണ്ടുകഴിഞ്ഞു.
വി.ജെ ജെയിംസിന്റെ പ്രണയോപനിഷത്ത് എന്ന ചെറുകഥയെ ആധാരമാക്കി എം സിന്ധുരാജാണ് തിരക്കഥ ഒരുക്കിയിരിക്കുന്നത്. പഞ്ചായത്ത് സെക്രട്ടറിയായ ഉലഹന്നാന്‍ എന്ന കഥാപാത്രത്തെയാണ് മോഹന്‍ ലാല്‍ അവതരിപ്പിക്കുന്നത്.
ദൃശ്യത്തിന് ശേഷം മോഹന്‍ലാല്‍- മീന ജോഡികള്‍ ഒന്നിക്കുന്ന ചിത്രം എന്ന പ്രത്യേകത കൂടിയുണ്ട് മുന്തിരിവള്ളികള്‍ തളിര്‍ക്കുമ്പോളിന്. വീക്കെന്‍ഡ് ബ്ലോക്ക്ബസ്റ്റേഴ്‍സിന്റെ ബാനറില്‍ സോഫിയ പോളാണ് നിര്‍മ്മാണം. ഐമ, കലാഭവന്‍ ഷാജോണ്‍, അനൂപ്‌ മേനോന്‍ തുടങ്ങിയവര്‍ ചിത്രത്ത്തില്‍ അഭിനയിക്കുന്നു. ക്രിസ്മസ് റിലീസായി ചിത്രം തിയറ്ററുകളില്‍ എത്തും.
Post Your Comments