കേരളത്തിലെ മെഗാഹിറ്റ് രചിച്ച ‘പുലിമുരുകന്‍’ മന്യംപുലി എന്ന പേരില്‍ തെലുങ്കില്‍ പ്രദര്‍ശനത്തിനെത്തി. സിനിമയുടെ ആദ്യപ്രദര്‍ശനം കഴിഞ്ഞപ്പോള്‍തന്നെ മലയാളത്തിലെന്നപോലെ ടോളിവുഡും ചിത്രത്തെ ഏറ്റെടുത്തതായിട്ടാണ് റിപ്പോര്‍ട്ടുകള്‍. നേരെത്തെ മോഹന്‍ലാല്‍ അഭിനയിച്ച തെലുങ്ക്‌ ചിത്രമായ ജനതാഗാരേജ് ഇരുകയ്യും നീട്ടിയാണ് ടോളിവുഡ് ആരാധകര്‍ സ്വീകരിച്ചത്. ചിത്രം കണ്ടിട്ട് ഇങ്ങനെയൊരു സൂപ്പര്‍താരം ഞങ്ങള്‍ക്ക് ഇല്ലാതെപോയല്ലോ എന്നാണ് പലതെലുങ്ക്‌ ആരാധകരും അഭിപ്രായപ്പെട്ടത്. ‘മന്യംപുലി’യുടെ ആദ്യ ഷോ കഴിഞ്ഞപ്പോള്‍തന്നെ മോഹന്‍ലാലിന്റെ അഭിനയമികവിനെക്കുറിച്ചും ചിത്രത്തിലെ സാഹസിക രംഗങ്ങളെക്കുറിച്ചും വാചാലരാകുകയാണ് തെലുങ്ക്‌ സിനിമാപ്രേമികള്‍. ചിത്രത്തിലെ ടെക്നിക്കല്‍ വശങ്ങളൊക്കെ മനോഹരമായിരുന്നുവെന്നും കാടിന്റെ പശ്ചാത്തലമുള്ള മന്യം പുലി വളരെയധികം ഞങ്ങളെ തൃപ്തരാക്കിയെന്നും പ്രേക്ഷകര്‍ പറയുന്നു. മോഹന്‍ലാല്‍ ഇപ്പോള്‍ ഞങ്ങളുടെകൂടി സൂപ്പര്‍സ്റ്റാര്‍ ആണെന്നാണ് തെലുങ്ക്‌ പ്രേക്ഷകരുടെ വാദം. ‘മന്യംപുലി’ എന്ന ചിത്രം കണ്ടതിനുശേഷം മോഹന്‍ലാല്‍ എന്ന താരത്തിനു ജയ്‌വിളിച്ചു കൊണ്ടാണ് ആന്ദ്രയിലടക്കമുള്ള സിനിമാപ്രേമികള്‍ പ്രദര്‍ശനശാലവിട്ടത്.
Post Your Comments