ദുല്‍ഖര്‍ സല്‍മാന്‍ നായകനാകുന്ന സത്യന്‍ അന്തിക്കാട് ചിത്രം ‘ജോമോന്റെ സുവിശേഷങ്ങ’ളുടെ ടീസര്‍ പുറത്തിറങ്ങി. കോമഡി നിറഞ്ഞു നില്‍ക്കുന്നതാണ് ചിത്രത്തിന്റെ ടീസര്‍. ആള്‍ക്കൂട്ടത്തില്‍ തനിയെയുള്ള ദുല്‍ഖറിനെയാണ് ടീസറില്‍ കാണിക്കുന്നത്. ഇക്ബാല്‍ കുറ്റിപ്പുറം രചന നിര്‍വഹിക്കുന്ന ചിത്രത്തില്‍ ധനികനായ ഒരു വ്യവസായിയുടെ മകനായാണ് ദുല്‍ഖര്‍ എത്തുക. മുകേഷാണ് ദുല്‍ക്കറിന്റെ അച്ഛന്‍വേഷം ചെയ്യുന്നത്. ഇതാദ്യമായാണ് ദുല്‍ഖര്‍ ഒരു സത്യന്‍ അന്തിക്കാട് ചിത്രത്തില്‍ അഭിനയിക്കുന്നത്. ദുല്‍ഖറിന്റെ സഹോദരനായി വിനു മോഹന്‍ എത്തുന്നു. ചിത്രത്തില്‍ രണ്ടു നായികമാരാണ്. അനുപമ പരമേശ്വരന്‍, തെന്നിന്ത്യന്‍ നടി ഐശ്വര്യ രാജേഷ് എന്നിവരാണ് നായികമാര്‍. ചിത്രത്തില്‍ ഇന്നസെന്റ്,ഇര്‍ഷാദ്,ജേക്കബ് ഗ്രിഗറി,മുത്തുമണി, ഇന്ദു തമ്പി , രസ്ന എന്നിവരും അണി നിരക്കുന്നു. ക്രിസ്മസ് റിലീസായി ചിത്രം തിയറ്ററുകളിലെത്തും.
Post Your Comments