സംവിധായകന്‍ വിജയ് ചന്ദര്‍-വിക്രം കൂട്ടുക്കെട്ടില്‍ പുതിയ ചിത്രം ഒരുങ്ങുന്നുവെന്ന വാര്‍ത്തകള്‍ മുമ്പ് തന്നെ പ്രച്ചരിച്ചിരുന്നു. പുതിയ ചിത്രത്തിന് വേണ്ടി കിടിലന്‍ മേക്ക് ഓവറാണ് വിക്രം നടത്തി വരുന്നതെന്നും റിപ്പോര്‍ട്ടുകള്‍ വന്നിരുന്നു. എന്നാല്‍, ചിത്രത്തിലെ നായികയെക്കുറിച്ച് യാതൊരു വിവരവും പുറത്ത് വിട്ടിരുന്നില്ല. ഒരൊറ്റ ചിത്രം കൊണ്ട് തന്നെ പ്രേക്ഷകരുടെ പ്രിയങ്കരിയായി മാറിയ സായ് പല്ലവിയാണ് ചിത്രത്തിലെ നായികയെന്നാണ് ഏറ്റവും പുതിയ വിവരം. ചിത്രത്തിന്റെ അണിയറ പ്രവര്‍ത്തകര്‍ തന്നെയാണ് വാര്‍ത്ത പുറത്ത് വിട്ടിരിക്കുന്നത്. പ്രേമത്തിന് ശേഷം നിരവധി അവസരങ്ങള്‍ തേടിയെത്തിയെങ്കിലും നടി പഠനത്തിന് വേണ്ടി അവയെല്ലാം ഉപേക്ഷിക്കുകയായിരുന്നു. പ്രേമത്തിനു ശേഷം മലയാളത്തില്‍ ദുല്ഖര്‍ നായകനായെത്തിയ ‘കലി’യിലും സായ് പല്ലവി അഭിനയിച്ചിരുന്നു. സായ് പല്ലവിയുടെ തമിഴിലെ ആദ്യ സിനിമയാണ് ഇതുവരെ പേരിട്ടിട്ടില്ലാത്ത ഈ വിക്രം ചിത്രം. തെലുങ്കില്‍ വരുണ്‍ തേജിനൊപ്പം പുതിയ ചിത്രത്തിന്റെ തിരക്കിലാണ് ഡോക്ടര്‍ സായ് പല്ലവി ഇപ്പോള്‍. ഇതിന് ശേഷമാവും വിക്രമിനൊപ്പമുള്ള ചിത്രത്തില്‍ സായ് പല്ലവി എത്തുക. ഡിസംബറില്‍ ചിത്രത്തിന്റെ ഷൂട്ടിംഗ് ആരംഭിക്കും.
Post Your Comments