താരസുന്ദരിക്ക് 41

ദസ്താക് എന്ന ഹിന്ദി ചിത്രത്തിലൂടെ അഭിനയ ജീവിതം ആരംഭിച്ച ബോളിവുഡിന്റെയും ലോകത്തിലെയും താരസുന്ദരി സുസ്മിത സെന്നിന് 41ആം പിറന്നാളാഘോഷം. തന്റെ കുടുംബത്തോടൊപ്പം ഇന്നലെ സുസ്മിത പിറന്നാള്‍ ആഘോഷിച്ചു. ലളിതമായ രീതിയില്‍ ഉള്ള ചടങ്ങില്‍ അടുത്ത സൃഹൃത്തുക്കളും സുസ്മിതയുടെ കുടുംബവും മാത്രമാണ് പങ്കെടുത്തത്. കുടുംബത്തോടൊപ്പം പിറന്നാള്‍ ആഘോഷിക്കുന്നതിന്റെ ചിത്രങ്ങള്‍ സുസ്മിത തന്നെയാണ് തന്റെ ഇന്‍സ്റ്റഗ്രാം വഴി പോസ്റ്റ് ചെയ്തിരിക്കുന്നത്. നടി എന്നതിലുപരി ബിസ്സിനസ്സ് രംഗത്തും സുസ്മിത ചുവടുറപ്പിച്ചിട്ടുണ്ട്. ഇന്ത്യയിലേക്ക് മിസ് യൂണിവേഴ്സ് പട്ടം കൊണ്ടുവന്ന ആദ്യ വനിത എന്ന ബഹുമതി സുസ്മിതക്ക് സ്വന്തമാണ്.