മമ്മൂട്ടി നായകനായി രഞ്ജിത്ത് ഒരുക്കുന്ന ചിത്രം അണിയറയില്‍ ഒരുങ്ങുന്നതായി വാര്‍ത്തകള്‍ ഉണ്ടായിരുന്നു. വമ്പന്‍ എന്നാണ് ചിത്രത്തിന്‍റെ പേരെന്നും. എന്നാല്‍ അത് ശരിയല്ല എന്ന് സംവിധായകന്‍ രഞ്ജിത്ത് പറയുന്നു. മമ്മൂട്ടി പ്രോജക്ട് ചെയ്യുന്നുണ്ടെന്നും എന്നാല്‍ ‘വമ്പന്‍’ എന്നല്ല അതിന്റെ പേരെന്നും പറയുന്നു രഞ്ജിത്ത്.
2013ല്‍ പുറത്തെത്തിയ ‘കടല്‍ കടന്ന് ഒരു മാത്തുക്കുട്ടിയാണ് രഞ്ജിത്തിന്റെ സംവിധാനത്തില്‍ അവസാനമെത്തിയ മമ്മൂട്ടിചിത്രം. 2014ല്‍ ഛായാഗ്രാഹകന്‍ വേണു ഉണ്ണി.ആറിന്റെ തിരക്കഥയില്‍ ഒരുക്കിയ ‘മുന്നറിയിപ്പി’ന്റെ നിര്‍മ്മാതാവ് രഞ്ജിത്ത് ആയിരുന്നു. അതിനു ശേഷം വന്ന രഞ്ജിത്ത് സിനിമകളില്‍ ദുല്‍ഖറും മോഹന്‍ലാലും ബിജു മേനോനുമായിരുന്നു നായകന്മാര്‍.
ക്രിസ്മസിന് എത്തുന്ന നവാഗതനായ ഹനീഫ് അദേനിയുടെ ‘ദി ഗ്രേറ്റ് ഫാദറാ’ണ് മമ്മൂട്ടിയുടെ അടുത്ത റിലീസ്. അനുരാഗ കരിക്കിന്‍വെള്ളത്തിന് ശേഷം ഓഗസ്റ്റ് സിനിമാസിന്റെ ബാനറില്‍ പൃഥ്വിരാജും സന്തോഷ് ശിവനും ഷാജി നടേശനും ചേര്‍ന്ന് നിര്‍മ്മിക്കുന്ന ചിത്രമാണ് ദ ഗ്രേറ്റ് ഫാദര്‍. ഫാമിലി ത്രില്ലര്‍ സ്വഭാവത്തിലുള്ള ഈ ചിത്രത്തില്‍ സ്‌നേഹ നായികയാവുന്നു. ഉറുമി,ഡബിള്‍ ബാരല്‍ എന്നീ ചിത്രങ്ങള്‍ക്ക് ശേഷം ആര്യ അഭിനയിക്കുന്ന മലയാള ചിത്രം കൂടിയാണ് ഇത്.
Post Your Comments