മോഹൻലാലിൻറെ എക്കാലത്തെയും ഹിറ്റ് ചിത്രമാണ് ‘കിരീടം’. ലോഹിതദാസിന്റെ തിരക്കഥയില്‍ മോഹന്‍ലാലിനെ നായകനാക്കി സിബി മലയില്‍ സംവിധാനം ചെയ്ത ചിത്രം ദേശീയതലത്തില്‍ വരെശ്രദ്ധിക്കപ്പെട്ടിരുന്നു . ചിത്രത്തിലെ കഥാപാത്രങ്ങളെ എല്ലാം തീരുമാനിച്ചിരുന്നെങ്കിലും സിനിമയുടെ പേര് മാത്രം കിട്ടിയിരുന്നില്ല.
ഒരു ദിവസം പേര് എന്തായി എന്നറിയാൻ സിബിമലയില്‍ ലോഹിതദാസിനെ കാണാന്‍ എത്തി. ആ സമയം ഐ വി ശശിയ്ക്ക് വേണ്ടി എഴുതിയ സിനിമയ്ക്ക് പേര് കണ്ടെത്തുന്ന തിരക്കിലായിരിന്നു ലോഹിത ദാസ്. മമ്മൂട്ടി നായകനാകുന്ന ഐ വി ശശി ചിത്രത്തിന് ‘കിരീടം’ എന്ന പേര് നല്‍കിയെങ്കിലും ഐവി ശശിയ്ക്ക് അത് ഇഷ്ടമായില്ല.
പേര് കേട്ടപ്പോള്‍ തന്നെ സിബിയ്ക്ക് ഇഷ്ടപ്പെട്ടിരുന്നു. മമ്മൂട്ടി ചിത്രത്തിന് വേണ്ടി ആ പേര് ഐവി ശശി സ്വീകരിക്കാതെയിരുന്നപ്പോള്‍ സിബിമലയില്‍ പറഞ്ഞു നമ്മുടെ ചിത്രത്തിന് ഈ പേരിടാം” . അങ്ങനെ കിരീടം കിരീടത്തിനു കിട്ടി.
കിരീടം എന്ന പേര് നല്‍കാന്‍ ഇരുന്ന ലോഹിതദാസ് – ഐവി ശശി കൂട്ടുകെട്ടിലെ മമ്മൂട്ടി ചിത്രത്തിന് മുക്തി എന്ന് പേരിട്ടു. മമ്മൂട്ടിയ്ക്കൊപ്പം റഹ്മാനും ശോഭനയും തിലകനും ഉര്‍വശിയുമാണ് ചിത്രത്തിലെ മറ്റ് കേന്ദ്ര കഥാപാത്രങ്ങളെ അവതരിപ്പിച്ചത്.അന്ന് മമ്മൂട്ടി ചിത്രത്തിനായി ഐ.വി ശശി ആ പേര് സ്വീകരിച്ചിരുന്നെങ്കില്‍ കിരീടം എന്ന പേരില്‍ ഒരു മമ്മൂട്ടി ചിത്രം ഇവിടെ ഉണ്ടാകുമായിരുന്നു. മോഹന്‍ലാലിന്റെ ‘കിരീടം’ മറ്റൊരു പേരിലറിയപ്പെടുകയും ചെയ്യുമായിരുന്നു
Post Your Comments