സ്റ്റയില്‍ മന്നന്‍ ചിത്രം കബാലിയുടെ റെക്കോര്‍ഡ് ഇനി പഴങ്കഥയാകും. കബാലിയെ പിന്തള്ളിയാണ് അണിയറയില്‍ തയ്യാറെടുക്കുന്ന ബിഗ്ബജറ്റ് ചിത്രം മുന്നിലെത്തിയത്. കേരളത്തിലെ വിതരണവകാശത്തിന്‍റെ റെക്കോര്‍ഡാണ് രാജമൗലിയുടെ ബാഹുബലി-2 സ്വന്തമാക്കിയത്. കബാലിയുടെ കേരളവിതരണാവകാശം ആശിര്‍വാദ് സിനിമാസും,മാക്‌സ്‌ലാബും ചേര്‍ന്ന് സ്വന്തമാക്കിയത് 7.5 കോടി രൂപയ്ക്കാണ് എന്നാല്‍ അതിനെ മറികടന്നാണ് ഗ്ലോബല്‍ യുണൈറ്റഡ് മീഡിയാ റെക്കോര്‍ഡ് നേട്ടത്തോടെ ബാഹുബലി 2-വിന്‍റെ കേരളത്തിലെ വിതരണാവകാശം സ്വന്തമാക്കിയത്.
11.45 കോടിക്കാണ് ഗ്ലോബല്‍ യുണൈറ്റഡ് മീഡിയ ബാഹുബലി-2 സ്വന്തമാക്കിയതെന്നാണ് റിപ്പോര്‍ട്ടുകള്‍. ജംഗിള്‍ ബുക്കിന്‍റെ കേരളത്തിലെ വിതരണവകാശവും സ്വന്തമാക്കിയത് ഗ്ലോബല്‍ യുണൈറ്റഡ് മീഡിയയായിരുന്നു. പൃഥ്വിരാജിന്റെ ഓഗസ്റ്റ് സിനിമാസും, ആന്റണി പെരുമ്പാവൂരിന്റെ ആശിര്‍വാദ് സിനിമാസും ബാഹുബലി രണ്ടാം ഭാഗത്തിന്റെ കേരളാ വിതരണാവകാശം നേടാനായി രംഗത്തുണ്ടായിരുന്നു.
Post Your Comments