സിനിമയുടെ പിന്നണിയിലേക്ക് മാറാന്‍ ആദ്യമായി തയ്യാറെടുക്കുകയാണ് നടന്‍ പൃഥ്വിരാജ്. സൂപ്പര്‍താരം മോഹന്‍ലാലിനെ നായകനാക്കി ‘ലൂസിഫര്‍’ എന്ന ചിത്രം സംവിധാനം ചെയ്യാനുള്ള തയ്യാറെടുപ്പിലാണ് പൃഥ്വി. മുരളി ഗോപിയാണ് ചിത്രത്തിന്‍റെ തിരക്കഥ രചിക്കുന്നത്. മോഹന്‍ലാല്‍ ലൂസിഫറിനെ കുറിച്ചുള്ള വാര്‍ത്ത സ്ഥിരീകരിച്ചു ഫേസ്ബുക്കില്‍ പോസ്റ്റ് പങ്കുവച്ചിരുന്നു.
പൃഥ്വിരാജ് തന്‍റെ ലൂസിഫര്‍ എന്ന ചിത്രത്തെകുറിച്ച് പറയുന്നതിങ്ങനെ
നമസ്കാരം,
ഈ പോസ്റ്റ്, ‘ലൂസിഫർ’ എന്ന എന്റെ ആദ്യത്തെ സംവിധാന സംരംഭത്തെ കുറിച്ചാണ്. ആദ്യം തന്നെ ഒരായിരം നന്ദി! ഇതിനോടകം എനിക്ക് ലഭിച്ച സ്നേഹത്തിനും ഇങ്ങനെ ഒരു തീരുമാനത്തിന് നൽകിയ പ്രോഹത്സാഹനത്തിനും. നിങ്ങളുടെ ആവേശം തന്നെ ആണ് ഈ സിനിമയുടെ ഏറ്റവും വലിയ ശക്തി! എന്നാൽ… ‘ലൂസിഫർ’ എന്ന സിനിമയുടെ ഇന്നേ വരെ ഇറങ്ങിയ “ഫസ്റ്റ് ലുക്കുകളും”, “ട്രെയിലറുകളും”, “മോഷൻ പോസ്റ്ററുകളും” ഒന്നും തന്നെ ആ സിനിമയുടെ യഥാർത്ഥ കഥയെയോ കഥാപാത്രത്തെയോ ആസ്പദം ആക്കി ഉള്ളതല്ല. അവ എല്ലാം തികച്ചും അണ്ണോഫിഷ്യൽ ആയ ആരാധക സൃഷ്ടികളാണ്. നിരുത്സാഹപ്പെടുത്തുക അല്ല..അവയിൽ പലതും കലാബോധവും മൂല്യവും ഉള്ളവയാണ്..പക്ഷെ എന്റെ സിനിമയുമായി ഒരു തരത്തിലും ബന്ധമുള്ളതല്ല എന്ന് മാത്രം! ‘ലൂസിഫർ’ ന്റെ പ്രാരംഭ ഘട്ട ചർച്ചകളിൽ ആണ് നമ്മൾ ഇപ്പോൾ. ഇനിയും ഒരുപാട് സഞ്ചരിക്കേണ്ടിയിരിക്കുന്നു ലാലേട്ടൻ എന്ന സൂപ്പർ സ്റ്റാറും മഹാനടനും അരങ്ങു വാഴുന്ന ആ സിനിമയുടെ സാക്ഷാത്കാരത്തിലേക്കു എത്താൻ. ഈ യാത്രയിൽ എന്നോടൊപ്പം നിങ്ങളും ഉണ്ടാവും എന്ന പ്രതീക്ഷയിൽ,
-പ്രിത്വി!
Post Your Comments