സമീപകാലത്ത് മികച്ച ഹിറ്റ് ചിത്രങ്ങളിലൂടെ ശ്രദ്ധ നേടിയ നമിതാ പ്രമോദ് റാഫി ഒരുക്കുന്ന പുതിയ ചിത്രത്തില്‍ വ്യത്യസ്ഥമായൊരു വേഷത്തിലാണ് അവതരിക്കുക. സ്ത്രീ കഥാപാത്രങ്ങള്‍ക്ക് പ്രാധാന്യമേറിക്കൊണ്ടിരിക്കുന്ന മലയാള സിനിമയില്‍ ഇത്തരമൊരു വേഷം ആദ്യമായിട്ടാണ് ഒരു നടി അവതരിപ്പിക്കുന്നത്. ഒരു വാട്ടര്‍ സ്പോര്‍ട്സ് ട്രെയിനറുടെ വേഷത്തിലാണ് റാഫിയുടെ പുതിയ ചിത്രത്തില്‍ നമിതയെത്തുക. മലയാള സിനിമയില്‍ സ്ഥിരം നായിക കഥാപാത്രത്തില്‍നിന്നൊരു മാറ്റമാണ് നമിതയ്ക്ക് ഈ കഥാപാത്രത്തിലൂടെ ലഭിക്കുന്നത്. ഫഹദ് ഫാസിലാണ് ചിത്രത്തിലെ നായകന്‍. ഒക്ടോബര്‍ 17 ന് ഷൂട്ടിംഗ് ആരംഭിക്കുന്ന ചിത്രത്തിന്‍റെ പ്രധാന ലൊക്കേഷന്‍ ഗോവയാണ്.
Post Your Comments