ജൂനിയര്‍ എന്‍ ടി ആറും സമാന്തയും ഒന്നിച്ചഭിനയിച്ച ‘ജനതാഗാരേജ്’ മികച്ച പ്രേക്ഷകാഭിപ്രായം നേടി മുന്നേറിക്കൊണ്ടിരിക്കുകയാണ്. ‘ജനതാഗാരേജി’ന്റെ പ്രചാരണപരിപാടിയുടെ ഭാഗമായി ഒരു ചാനലിന് അഭിമുഖം നല്‍കാമെന്ന് ഇരുവരും ഏറ്റിരുന്നു. പറഞ്ഞ സമയത്ത് തന്നെ ജൂനിയര്‍ എന്‍ ടി ആര്‍ സ്റ്റുഡിയോയില്‍ എത്തിയെങ്കിലും സമാന്ത വളരെ വൈകിയാണ് എത്തിയത്. സമാന്തയുടെ ഈ വൈകിവരലാണ് ജൂനിയര്‍ എന്‍ ടി ആറിനെ ചൊടിപ്പിച്ചത്. സ്വയം തെറ്റ് ചെയ്തിട്ടും സമാന്തയുടെ മുഖത്ത് അതിന്‍റെ യാതൊരുവിധമായ ലക്ഷണങ്ങളും പ്രകടമായില്ല. ഇത് ജൂനിയര്‍ എന്‍ ടി ആറിനെ കൂടുതല്‍ പ്രകോപിതനാക്കി. താമസിച്ചു വന്നതിന് ക്ഷമാപണം നടത്താത്തതിനു ജൂനിയര്‍ എന്‍ ടി ആര്‍ സമാന്തയോട് എല്ലാവരുടെയും മുന്നില്‍വെച്ചു കയര്‍ത്ത് സംസാരിച്ചു. പിന്നീട് സമാന്ത വൈകിയതിന്‍റെ കാരണം അറിഞ്ഞ ജൂനിയര്‍ എന്‍ ടി ആര്‍ താരത്തോട് ക്ഷമാപണം നടത്തുകയുണ്ടായി. ജീവകാരുണ്യപ്രവർത്തനത്തിന്റെ ഭാഗമായി ഒരു പരിപാടിയിൽ പങ്കെടുക്കാൻ പോയതായിരുന്നു സമാന്ത.
Post Your Comments