റാഫി സംവിധാനം ചെയ്യുന്ന പുതിയ ചിത്രത്തില്‍ ഫഹദ് ഫാസില്‍ നായകനായി എത്തുന്നു. ഫാമിലിയെ ലക്ഷ്യമിട്ടിറക്കുന്ന സിനിമ ഒരു മുഴുനീള കോമഡി ചിത്രമായിരിക്കും. ചിത്രത്തില്‍ നാമിതാ പ്രമോദാണ് ഫഹദിന്റെ നായികയാകുന്നത്. കോളേജ് അധ്യാപകരായ മാതാപിതാക്കള്‍ക്ക് കീഴില്‍ കടുത്ത ചിട്ടയിലും അച്ചടക്കത്തിലും വളര്‍ന്ന ഗൗതം എന്ന യുവാവിനെയാണ് ഫഹദ് ഫാസില്‍ അവതരിപ്പിക്കുന്നത്. സൗബിന്‍ ഷാഹിര്‍, ശ്രിന്ദ, ഷറഫുദ്ദീന്‍, വിനായകന്‍ എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.
റാഫി ഫഹദുമായി കൈകോര്‍ക്കുന്ന ഈ കോമഡി ചിത്രത്തിന് പ്രതീക്ഷകളേറെയാണ്. ഒക്ടോബറില്‍ സിനിമയുടെ ഷൂട്ടിംഗ് ആരംഭിക്കും.
Post Your Comments