‘നിങ്ങള്‍ക്കും പ്രേതമാകാം ‘പ്രേതം’ ടീം ഒരുക്കുന്ന രസകരമായ മത്സരം’

രഞ്ജിത്ത് ശങ്കര്‍ ജയസൂര്യയെ പ്രധാന കഥാപാത്രമാക്കി അണിയിച്ചൊരുക്കുന്ന ചിത്രമാണ്‌ ‘പ്രേതം’. ചിത്രവുമായി ബന്ധപെട്ട് ഒരു രസകരമായ മത്സരം അണിയിച്ചൊരുക്കുകയാണ് ഇതിന്‍റെ അണിയറ ടീം. നിങ്ങള്‍ക്കും പ്രേതമാകാന്‍ താല്‍പര്യമുണ്ടോ? എങ്കില്‍ പ്രേത വേഷം കെട്ടാന്‍ നിങ്ങളും തയ്യറായിക്കൊള്ളൂ. നല്ല പ്രേതങ്ങള്‍ക്ക് ‘പ്രേതം’ ടീം സമ്മാനവും വാഗ്ദാനം ചെയ്യുന്നുണ്ട്. മികച്ച ആണ്‍പ്രേതത്തിനും, പെണ്‍പ്രേതത്തിനും, പ്രേത കുഞ്ഞിനും പ്രത്യേകമായി സമ്മാനം നല്‍കുന്നുണ്ട്. ‘അയാം പ്രേതം ഫണ്‍ ചലഞ്ച് ‘എന്നാണ് മത്സരത്തിന്റെ പേര്. മത്സരാര്‍ത്ഥികളുടെ പ്രായമൊന്നും വിഷയമല്ല. പ്രേതത്തിന്‍റെ വേഷം കെട്ടി ഫോട്ടോയെടുത്ത് ആഗസ്ത് 7 ന് മുന്‍പായി അയക്കുക.