“പ്രേമം” എന്ന സൂപ്പര്‍ ഹിറ്റ് സിനിമയിലൂടെ ശ്രദ്ധേയനായ അല്‍ത്താഫ് ആദ്യമായി സംവിധാനം ചെയ്യുന്ന പുതിയ ചിത്രത്തിലാണ് ലാലിന്റെ മകനായി നിവിന്‍ പോളി എത്തുന്നത്. ഈ ചിത്രത്തിലൂടെ ലാലും നിവിന്‍ പോളിയും ആദ്യമായി ഒന്നിക്കുന്നു എന്നതാണ് ചിത്രത്തിന്‍റെ പ്രത്യേകത. ഷൂട്ടിംഗ് സെപ്റ്റംബറില്‍ തുടങ്ങാനാണ് തീരുമാനം. പഠിക്കാന്‍ മിടുക്കനായൊരു വിദ്യാര്‍ത്ഥിയായും അതിനേക്കാളുപരി നല്ലൊരു മകനുമായാണ് ചിത്രത്തിന് നിവിന്‍ വേഷമിടുന്നത്.
നര്‍മത്തിനു പ്രാധാന്യം നല്‍കികൊണ്ടുള്ള ഒരു കുടുംബ ചിത്രമാണിതെന്നും സംവിധായകന്‍ അറിയിച്ചു. ചിത്രത്തിനും ഇതുവരെയും പേരിട്ടിട്ടില്ല. “പ്രേമം” സിനിമയില്‍ അഭിനയിച്ച കൃഷ്ണ ശങ്കര്‍, ഷറഫ്, സിജു വില്‍സണ്‍, സൈജു കുറുപ്പ്, അക്കരക്കാഴ്ചകള്‍ ടെലിവിഷന്‍ ഷോയിലൂടെ ശ്രദ്ധേയരായ സജിനി, ജോസുകുട്ടി തുടങ്ങിയവരും നിവിനോടൊപ്പം ചിത്രത്തില്‍ അഭിനയിക്കും.
നിവിന്‍റെ നായികയെ കുറിച്ച് തീരുമാനമായിട്ടില്ല. ഒരു ചെറിയ ഇടവേളയ്ക്ക് ശേഷമാണ് ലാല്‍ അഭിനയ രംഗത്ത് സജീവമാകുന്നത്. “കിംഗ് ലയര്‍” എന്ന ചിത്രത്തിന് ശേഷം “പുലിമുരുകനിലാണ് ” ലാല്‍ ഒടുവില്‍ അഭിനയിച്ചത്. ലാലിന്റെ മകന്‍ ജീന്‍ പോള്‍ സംവിധാനം ചെയ്ത “ഹണീ ബീ” എന്ന സിനിമയുടെ രണ്ടാം ഭാഗത്തിലും ലാല്‍ അഭിനയിക്കുന്നുണ്ട്.
Post Your Comments