കബാലി ജൂലൈ 22-ന് തന്നെ എത്തും

നിശ്ചയിച്ച പ്രകാരം കബാലി ജൂലൈ 22- ന് തന്നെ ലോകവ്യാപകമായി എല്ലാ തീയറ്ററുകളിലും റിലീസ് ചെയ്യുമെന്ന് അണിയറ പ്രവര്‍ത്തകര്‍ വ്യക്തമാക്കി. നേരത്തെ ചിത്രത്തിന്റെ റിലീസിംഗ് നീണ്ടു പോകുമെന്ന് അഭ്യൂഹങ്ങളുണ്ടായിരുന്നു. എന്നാല്‍ ഇപ്പോള്‍ എല്ലാ ആശങ്കകളും അകറ്റി കബാലി റിലീസിന് തയ്യാറെടുക്കുകയാണ്.

അധോലോക നായകന്മാരുടെ കഥ പറയുന്ന ചിത്രം പാ രജ്ഞിത്ത് ആണ് സംവിധാനം ചെയ്യുന്നത്. രാധിക ആപ്‌തേയാണ് ചിത്രത്തിലെ നായിക. കലൈപുലി എസ് താണു നിര്‍മ്മിച്ചിരിക്കുന്ന ചിത്രം ഇന്ത്യയില്‍ മാത്രം ഏകദേശം 4,000 തീയറ്ററുകളില്‍ റിലീസ് ചെയ്യും.