1980-കളുടെ അന്ത്യത്തിലും, 900-കളുടെ തുടക്കത്തിലും ടെലിവിഷനില്‍ ഭാഗ്യപരീക്ഷണം നടത്തിയ ശേഷമാണ് ഷാരൂഖ് ഖാന്‍ സിനിമയിലൂടെ സൂപ്പര്‍സ്റ്റാര്‍ ആയതെന്ന കാര്യം എല്ലാവര്‍ക്കും അറിവുള്ളതാണ്. “ഫൗജി” എന്ന ജനപ്രിയ സീരിയലിലൂടെ തുടങ്ങിയ ഷാരൂഖ് “സര്‍ക്കസ്” എന്ന മെഗാഹിറ്റ്‌ പരമ്പരയിലൂടെ ടെലിവിഷന്‍ പ്രേക്ഷകരുടെ പ്രിയതാരമായി മാറിയതിനു ശേഷമാണ് സിനിമയിലേക്ക് കളംമാറ്റം നടത്തിയത്. പക്ഷേ, 90-കളുടെ തുടക്കത്തില്‍ ദൂരദര്‍ശനില്‍ സംഗീതപരിപാടിയുടെ അവതാരകന്‍ ആയും ഷാരൂഖ് വന്നിരുന്നു എന്ന കാര്യം അധികമാര്‍ക്കും അറിവുള്ളതല്ല.
ഉയര്‍ന്നു വരുന്ന ഗായകരെ പരിചയപ്പെടുത്തുന്ന ഒരു സംഗീതപരിപാടിയിലാണ് ഷാരൂഖ് അവതാരകവേഷം കൈകാര്യം ചെയ്തത്. ഷാരൂഖ് പിന്നീട് ഇന്ത്യന്‍ സിനിമയുടെ കിംഗ്‌ ഖാനായി മാറി. രസകരമായ മറ്റൊരു കാര്യം, സംഗീത പരിപാടിയുടേതായി ഇപ്പോള്‍ പുറത്തുവന്ന വീഡിയോയില്‍ ഷാരൂഖ് പരിചയപ്പെടുത്തുന്ന പുതുമുഖ ഗായകന്‍ മറ്റാരുമല്ല, സാക്ഷാല്‍ കുമാര്‍ സാനുവാണെന്നതാണ്. ഷാരൂഖിനെപ്പോലെ, 90-കളില്‍ ബോളിവുഡിലെ ഏറ്റവും വിലപിടിപ്പുള്ള ഗായകനായി മാറിയ കുമാര്‍ സാനുവിന്‍റെ പാട്ടുകള്‍ ഒരു തലമുറയുടെ ഗൃഹാതുരത്വത്തിന്‍റെ സജീവമായ ഓര്‍മ്മകളാണ്.
വീഡിയോ കാണാം:
Post Your Comments