‘ഒപ്പം’ എന്ന പ്രിയദര്‍ശന്റെ ഓണച്ചിത്രം തീയേറ്ററുകളില്‍ മികച്ച അഭിപ്രായം നേടിക്കൊണ്ടിരിക്കുന്നതിനിടെ പ്രിയദര്‍ശനെ തേടി മറ്റൊരു സന്തോഷവാര്‍ത്ത പുറത്തു വന്നിരിക്കുകയാണ്. ഗോള്‍ഡന്‍ ഗ്ലോബ് അവാര്‍ഡ്‌ പട്ടികയില്‍ പ്രിയദര്‍ശന്റെ ‘സില സമയങ്ങളില്‍’ എന്ന തമിഴ് ചിത്രം ഇടംപിടിച്ചിരിക്കുന്നു. ഈ അവാര്‍ഡിന് പത്ത് ചിത്രങ്ങളാണ്‌ പട്ടികയില്‍ ഉള്‍പ്പെടുന്നത്. അതില്‍ നിന്നുള്ള ഏക ഇന്ത്യന്‍ ചിത്രമാണ് ‘സില സമയങ്ങളില്‍’ .ഈ സിനിമകള്‍ എല്ലാം ഗ്ലോബല്‍ പ്രീമിയര്‍ ആയി ഗോള്‍ഡന്‍ ഗ്ലോബില്‍ പ്രദര്‍ശിപ്പിക്കും. ബെവര്‍ലി ഹില്‍സില്‍ ഒക്ടോബര്‍ ആറിനാണ് ചിത്രത്തിന്‍റെ പ്രദര്‍ശനം. ചലച്ചിത്ര-ടെലിവിഷൻ രംഗത്തെ മികച്ച നേട്ടങ്ങളെ അംഗീകരിക്കുന്നതിനായി ഹോളിവുഡ് ഫോറിൻ പ്രസ് അസോസിയേഷൻ നൽകുന്ന പുരസ്കാരമാണ്‌ ഗോൾഡൻ ഗ്ലോബ് അവാർഡ്.
Leave a Comment