സൂപ്പർ താരം രജനികാന്ത് തന്റെ പുതിയ ചിത്രമായ തലൈവർ 170 ന്റെ ചിത്രീകരണത്തിനായി കേരളത്തിൽ തിരുവനന്തപുരത്താണ് ഉള്ളത്. നടനെ ഒരു നോക്ക് കാണാൻ നിരവധി ആരാധകരാണ് റോഡുകളിലും ഷൂട്ടിംഗ് സെറ്റുകളിലും കാത്തിരിക്കുന്നത്.
അതിനിടെ, രജനികാന്തിനെ നേരിട്ട് കണ്ട സന്തോഷവാർത്ത സംവിധായകൻ ജൂഡ് ആന്റണി ജോസഫ് പങ്കുവെച്ചിരിക്കുകയാണ്. കാണുകയും അനുഗ്രഹം വാങ്ങുകയും ചെയ്യുന്ന ചിത്രം സോഷ്യൽ മീഡിയയിൽ വൈറലായി മാറി. കേരളം നേരിട്ട പ്രളയത്തെ ആസ്പദമാക്കി 2018ൽ പുറത്തിറങ്ങിയ ജൂഡ് ആന്റണി ജോസഫിന്റെ ചിത്രത്തെ വിവരിക്കാൻ വാക്കുകളില്ലെന്ന് രജനികാന്ത് പറഞ്ഞു. 2018 എന്ന മനോഹര ചിത്രത്തിന് ഓസ്കാർ ലഭിക്കാൻ തന്റെ പ്രാർത്ഥനയും അനുഗ്രഹവും ഉണ്ടാകുമെന്നും താരം പറഞ്ഞു.
എന്തൊരു സിനിമയാണ് ജൂഡ്, എങ്ങനെ ഷൂട്ട് ചെയ്തു? അത്ഭുതകരമായ ഒന്നാണത്. പോയി ഓസ്കാർ കൊണ്ടുവരൂ, എന്റെ അനുഗ്രഹവും പ്രാർത്ഥനയും നിങ്ങൾക്കൊപ്പമുണ്ട് എന്ന് പറയുന്ന തലൈവരുടെ ചിത്രങ്ങൾ ജൂഡ് പങ്കുവെച്ചു. ഈ അവിസ്മരണീയമായ അവസരത്തിന് ദൈവത്തിന് നന്ദി. ഇത് സാധ്യമാക്കിയ എന്റെ പ്രിയ സുഹൃത്ത് സൗന്ദര്യയ്ക്ക് (സൗന്ദര്യ രജനീകാന്ത്) നന്ദി, ജൂഡ് ആന്റണി കുറിച്ചു. ഇരുതാരങ്ങളുടെയും ചിത്രങ്ങൾ സോഷ്യൽ മീഡിയയിൽ വൈറലാണ്.
Post Your Comments