കുഞ്ചാക്കോ ബോബൻ വ്യത്യസ്ത കഥാപാത്രത്തെ അവതരിപ്പിക്കുന്ന ‘പകലും പാതിരാവും’ ചിത്രീകരണം ആരംഭിച്ചു

നായകസങ്കൽപ്പങ്ങൾക്ക് പുതിയ മാനം നൽകിക്കൊണ്ട് കുഞ്ചാക്കോ ബോബൻ ഏറെ വ്യത്യസ്ഥമായ ഒരു കഥാപാത്രത്തെ അവതരിപ്പിക്കുന്നു ‘പകലും പാതിരാവും’ എന്ന ചിത്രത്തിലൂടെ. മമ്മൂട്ടിയെ നായകനാക്കി മൂന്ന് ഹിറ്റ് ചിത്രങ്ങൾ അണിയിച്ചൊരുക്കിയ അജയ് വാസുദേവാണ് ഈ ചിത്രം സംവിധാനം ചെയ്യുന്നത്. ശ്രീഗോകുലം മൂവീസിൻ്റെ ബാനറിൽ ഗോകുലം ഗോപാലൻ നിർമ്മിക്കുന്ന ഈ ചിത്രത്തിൻ്റെ ചിത്രീകരണം വാഗമണ്ണിൽ ആരംഭിച്ചു. പൂർണ്ണമായും ഒരു ത്രില്ലർ സിനിമയായിരിക്കുമിത്.

രജീഷാ വിജയനാണ് ഈ ചിത്രത്തിലെ നായിക. തിങ്കളാഴ്ച്ച നിശ്ചയം എന്ന ചിത്രത്തിലൂടെ ഏറെ ശ്രദ്ധേയനായ കെ യു മോഹൻ, ദിവ്യദർശൻ, സീത, അമൽ നാസർ തുടങ്ങിയവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നു. നിഷാദ് കോയയുടേതാണ് ഈ ചിത്രത്തിൻ്റെ തിരക്കഥ.

സംഗീതം – സ്റ്റീഫൻ ദേവസ്സി, ഗാനങ്ങൾ – സുജേഷ് ഹരി, ഛായാഗ്രാഹകൻ – ഫായിസ് സിദ്ദിഖ്, എഡിറ്റിംഗ് – റിയാസ് ബദർ, കലാസംവിധാനം – ജോസഫ് നെല്ലിക്കൽ, കോസ്റ്റ്യൂം ഡിസൈൻ – ഐഷാ സഫീർ സേട്ട്, മേക്കപ്പ് – ജയൻ പൂങ്കുളം, ചീഫ് അസ്സോസ്സിയേറ്റ് ഡയറക്ടർ – മനേഷ് ബാലകൃഷ്ണൻ, അസ്സോസ്സിയേറ്റ് ഡയറക്ടർ – ഉനൈസ്, എസ്, സഹസംവിധാനം – അഭിജിത്ത് പി ആർ, ഷഫിൻ സുൾഫിക്കർ, സതീഷ് മോഹൻ, ഹുസൈൻ, ഫിനാൻസ് കൺട്രോളർ- ശ്രീജിത്ത് മണ്ണാർക്കാട്.

ഓഫീസ് നിർവ്വഹണം – രാഹുൽ പ്രേംജി, അർജുൻ രാജൻ, പ്രൊഡക്ഷൻ എക്സിക്യൂടീവ്‌ – ജിസൻ പോൾ,  പ്രൊഡക്ഷൻ കൺട്രോളർ – സുരേഷ് മിത്രക്കരി, പ്രൊജക്റ്റ് ഡിസൈനർ – ബാദ്ഷ, കോ- പ്രൊഡ്യുസേർസ് – ബൈജു ഗോപാലൻ, വി സി പ്രവീൺ, എക്സിക്യൂടീവ്‌ പ്രൊഡ്യൂസർ – കൃഷ്ണമൂർത്തി.

വാഴൂർ ജോസ്
ഫോട്ടോ – പ്രേംലാൽ പട്ടാഴി.