രണ്ട് പ്രധാന ഇന്ത്യൻ ചിത്രങ്ങൾ ഒരുങ്ങുന്നത് ദുബായിൽ നിന്ന്

ഇന്ത്യൻ സിനിമാ ലോകം ഇരുകൈയ്യും നീട്ടി സ്വീകരിച്ച ചിത്രമാണ് ബാഹുബലി.ഈ ചിത്രത്തോടെ ശ്രദ്ധേയനായ നായകൻ പ്രഭാസിന്റെ അടുത്ത ചിത്രമാണ് സഹോ.ചിത്രത്തിന്റെ ഷൂട്ടിംഗ് ദുബായിൽ പുരോഗമിക്കുകയാണ്.ഹിന്ദി തമിഴ് തെലുങ്ക് ഭാഷകളിൽ പുറത്തിറങ്ങുന്ന ചിത്രമാണ് സഹോ.

ബോളിവുഡ് നടൻ നീൽ നിതിൻ മുകേഷാണ് ചിത്രത്തിൽ വില്ലനായി എത്തുന്നത്.മൂന്ന് ആഴ്ചകളായി ദുബായ് ബുർജ് ഖലീഫയിൽ ചിത്രത്തിന്റെ പ്രധാന ഭാഗങ്ങളായ സംഘട്ടന രംഗങ്ങൾ ചിത്രീകരിക്കുകയാണ്.സയൻസ് ഫിക്ഷൻ ത്രില്ലറായ സഹോയിൽ ശ്രദ്ധ കപൂറാണ് നായിക. ജാക്കി ഷെറോഫ് ,ചുങ്കി പാണ്ഡെ ,മന്ദിര ബേദി തുടങ്ങിയവരാണ് ചിത്രത്തിലെ മറ്റുതാരങ്ങൾ.

Read also:നടിയുടെ കാറിനു മുന്നിൽ മൂത്രമൊഴിച്ച ആൾക്ക് കിട്ടിയത് എട്ടിന്റെ പണി

ദുബായിൽ ചിത്രീകരിക്കുന്ന രണ്ടാമത്തെ ചിത്രമാണ് സൽമാൻ ഖാൻ നായകനാകുന്ന റേസ് 3. ബോളിവുഡ് കൊറിയോ ഗ്രാഫർ റൊമോ ഡിസൂസയും സംഘവുമായി ചേർന്ന് റേസ് 3യുടെ ഫൈനൽ ഷൂട്ടിങ്ങിനായി അബുദാബിയിലെത്തി.ഇതിനെക്കുറിച്ചുള്ള ചിത്രങ്ങൾ സംവിധായകൻ ആരാധകർക്കായി ഇൻസ്റ്റഗ്രാമിലൂടെ പങ്കുവെച്ചിരുന്നു.

ദുബായ് നഗരത്തിൽ അടുത്തതായി ചിത്രീകരണത്തിന് തയ്യാറെടുത്തിരിക്കുന്ന ചിത്രമാണ് ഷാരൂഖ് ഖാൻ നായകനാകുന്ന ഡോൺ 3. സംവിധായകൻ ഫർഹാൻ അക്തർ ചിത്രത്തിന്റെ തിരക്കഥ പൂർത്തിയാക്കി കഴിഞ്ഞു.ഈവർഷം ഷൂട്ടിംഗ് ആരംഭിക്കും.