പ്രണയം, വിവാഹം എന്നിവയ്ക്ക് വേണ്ടി മതം മാറിയ നിരവധി താരങ്ങള്‍ സിനിമാ മേഖലയിലുണ്ട്. എന്നാല്‍ വിവാഹത്തോടെ മതം മാറുന്നതിനെക്കുറിച്ച്‌ നടി പ്രിയാമണി പറയുന്നു.
മുസ്ലീം മതത്തില്‍പ്പെട്ടയാളെയാണ് പ്രിയ വിവാഹം കഴിച്ചത്. എന്നാല്‍ മതം മാറി വിവാഹം കഴിച്ചെന്ന് കരുതി ആ മതത്തിലേയ്ക്ക് താനും മാറണമെന്നില്ലെന്ന് താരം പറയുന്നു. അതിനു വേണ്ടിയുള്ളതാണ് സ്‌പെഷല്‍ മാര്യേജ് ആക്‌ട് എന്നും അവര്‍ കൂട്ടിച്ചേര്‍ത്തു. പുതിയ ചിത്രം ‘ധ്വജ’യുമായി ബന്ധപ്പെട്ട് ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തിലെ ഒരു ചോദ്യത്തിനാണ് പ്രിയ തന്റെ സ്വകാര്യ ജീവിതത്തിലെ ഈ തീരുമാനം വ്യക്തമാക്കിയത്.
‘ഞാന്‍ ജനിച്ചത് ഹിന്ദുവായിട്ടാണ്, മുസ്തഫ മുസ്‌ലിമും. ഞാന്‍ മതപരിവര്‍ത്തനം നടത്തും എന്നാണ് എല്ലാവരും കരുതിയത്. പക്ഷേ അതിന്റെ ആവശ്യമില്ല, അതിനാണ് സ്‌പെഷ്യല്‍ മാര്യേജ് ആക്‌ട് ഉള്ളത്’- പ്രിയാമണി വ്യക്തമാക്കി.
2017ലായിരുന്നു കൂട്ടുകാരനായ മുസ്തഫാ രാജും പ്രിയാ മണിയും തമ്മിലുള്ള വിവാഹം നടക്കുന്നത്.
Post Your Comments