ഇരുപതാം നൂറ്റാണ്ട് എന്ന ചിത്രത്തിൽ മലയാളത്തിന്റെ സ്വന്തം നായകൻ മോഹൻലാൽ ഗംഭീര പ്രകടനമാണ് കാഴ്ചവെച്ചത്. അതിനു ശേഷം ചിത്രത്തിന്റെ രണ്ടാം ഭാഗമായി സാഗർ ഏലിയാസ് ജാക്കി പുറത്തിറങ്ങി. ഈ ചിത്രവും ഇരുകൈയ്യും നീട്ടിയാണ് പ്രേക്ഷകർ സ്വീകരിച്ചത്. ഇപ്പോഴിതാ ഇരുപത്തിയൊന്നാം നൂറ്റാണ്ടിലൂടെ മോഹൻലാലിന്റെ മകൻ പ്രണവ് എത്തുകയാണ്.
ആദി എന്ന അരങ്ങേറ്റ ചിത്രത്തിലൂടെ വിജയക്കൊടുമുടി കയറിയ പ്രണവിന്റെ രണ്ടാമത്തെ ചിത്രമാണിത്. ഇരുപത്തിയൊന്നാം നൂറ്റാണ്ടെന്ന റൊമാന്റിക് ആക്ഷൻ ത്രില്ലർ സംവിധാനം ചെയ്യുന്നത് അരുൺ ഗോപിയാണ്. പേരിലും പ്രമേയത്തിലുമെല്ലാം കൗതുകമൊളിപ്പിച്ചാണ് ചിത്രത്തിന്റെ വരവ്.
മോഹന്‍ലാലിന്റെ പഴയ ഹിറ്റ് സിനിമയായ ഇരുപതാം നൂറ്റാണ്ടെന്ന പേരില്‍ അല്‍പം സാമ്യം ഉണ്ടെങ്കിലും ചിത്രത്തിൻറെ കഥ തികച്ചും വ്യത്യസ്‍തമാണെന്നാണ് സംവിധായകൻ വെളിപ്പെടുത്തിയത്. ചിത്രത്തിന്റ പൂജ കഴിഞ്ഞു. പൂജയില്‍ മോഹന്‍ലാലും ഭാര്യ സുചിത്രയും പങ്കുചേര്‍ന്നു. രാമലീലയ്ക്കുശേഷം അരുണ്‍ഗോപി സംവിധാനം ചെയ്യുന്ന സിനിമ ടോമിച്ചന്‍ മുളകുപാടമാണ് നിര്‍മിക്കുന്നത്.
Post Your Comments