പോയ വര്‍ഷം മോശമല്ലാത്ത സിനിമകള്‍ ചെയ്താണ് നടി മഞ്ജു വാര്യര്‍ പ്രേക്ഷക മനസ്സില്‍ ഇടം നേടിയത്. ‘കെയര്‍ ഓഫ് സൈറ ബാനു’ എന്ന ചിത്രം ശരാശരി വിജയം നേടിയും, ‘ഉദാഹരണം സുജാത’ മികച്ച വിജയം നേടിയും മഞ്ജു വാര്യര്‍ കഴിഞ്ഞ വര്‍ഷം മലയാള സിനിമയില്‍ ഭേദപ്പെട്ട പ്രകടനം കാഴ്ചവച്ചു. 2018-ലും ഒട്ടേറെ മികച്ച കഥാപാത്രങ്ങളുമായി മഞ്ജു വാര്യര്‍ വിസ്മയിപ്പിക്കാനെത്തുമ്പോള്‍ ദിലീഷ് പോത്തന്‍ കണ്ടെത്തിയ നിമിഷ സജയന്‍ എന്ന പുതിയ നായിക മഞ്ജു വാര്യര്‍ എന്ന നടിയ്ക്ക് ചെറുതല്ലാത്ത വെല്ലുവിളി ഉയര്‍ത്തിയേക്കാം. പത്തൊന്‍പത് കഴിഞ്ഞ നായിക കഥാപാത്രവും, ഇരുപത്തിയൊന്‍പത് കഴിഞ്ഞ നായിക കഥാപാത്രവും ഒരേ പോലെ വഴങ്ങുന്ന നടിയാണ് നിമിഷ, മഞ്ജു അഭിനയിക്കുന്നത് പോലെയുള്ള പക്വതയുള്ള വേഷങ്ങളിലേക്കും നിമിഷ സജയനെ നായികയായി തെരഞ്ഞെടുക്കാന്‍ ചില സംവിധായകര്‍ക്ക് മടിയുണ്ടാകില്ല.
‘ഈട’ എന്ന തന്റെ രണ്ടാം ചിത്രത്തില്‍ തന്നെ നിമിഷ വിസ്മയിപ്പിക്കുകയാണ്. മികച്ച ഭാവ പ്രകടനങ്ങള്‍ക്കപ്പുറം ശരീര ഭാഷയിലും നിമിഷയുടെ പ്രകടനം അസാധ്യമാകുന്നുണ്ട്. തൊണ്ടിമുതലില്‍ പക്വതയേറിയ ഭാര്യ വേഷമാണ് നിമിഷ ചെയ്തതെങ്കില്‍ ‘ഈട’യിലെത്തുമ്പോള്‍ യുവത്വത്തിന്റെ പ്രണയ ഭാവങ്ങളുമായി നിറഞ്ഞു നില്‍ക്കുകയാണ് താരം. ഏതു കഥാപാത്രങ്ങളിലേക്കും താരത്തെ പ്ലേസ് ചെയ്യാമെന്നുള്ളത് കൊണ്ട് മഞ്ജു വാര്യരെപ്പോലെയുള്ള സീനിയര്‍ താരങ്ങള്‍ക്കൊക്കെ നിമിഷ സജയന്‍ എന്നാ നായിക ഒരു പരിധിവരെ ഭീഷണിയാകും എന്നുറപ്പാണ്.മധുപാല്‍ സംവിധാനം ചെയ്യുന്ന ഒരു കുപ്രസിദ്ധ പയ്യന്‍, കുഞ്ചാക്കോ ബോബന്‍ ചിത്രം തുടങ്ങിയവയാണ് വരാനിരിക്കുന്ന നിമിഷയുടെ പ്രോജക്റ്റുകള്‍.
Post Your Comments