കായംകുളം കൊച്ചുണ്ണി, മാമാങ്കം, കാളിയന്‍ ചരിത്ര സിനിമകളുടെ കൂട്ടത്തിലേക്ക് ഒരു ചിത്രം കൂടി. തച്ചോളി ഒതേനന്റെ ജീവിതമാണ് പുതിയ ചിത്രം. ആരാധകരുടെ പ്രിയ താരം ജയസൂര്യ നായകൻ ആകുമെന്ന് സൂചന.
തന്റെ സിനിമകളെ കുറിച്ചോ മറ്റ് എന്ത് കാര്യത്തിനെ കുറിച്ചോ ജയസൂര്യ പറയുന്നത് ഫേസ്ബുക്കിലൂടെയാണ്. അത്തരത്തില്‍ ഫേസ്ബുക്കില്‍ കഴിഞ്ഞ ദിവസമിട്ട ഒരു ചിത്രം ആരാധകരെ സംശയത്തിലാക്കിയിരിക്കുകയാണ്. കുഞ്ഞാലി മരക്കാര്‍, കായംകുളം കൊച്ചുണ്ണി, കാളിയന്‍ തുടങ്ങി ഇതിഹാസ കഥാപാത്രങ്ങളുടെ കൂട്ടത്തിലേക്ക് ജയസൂര്യയുടെ സിനിമയുണ്ടെന്നാണ് റിപ്പോര്‍ട്ടുകള്‍.
ജയസൂര്യ ഫേസ്ബുക്കിലൂടെ പങ്കുവെച്ചത് തച്ചോളി ഒതേനന്റെ ചിത്രമായിരുന്നു. ഫോട്ടോയിലെ രൂപത്തിന് ജയസൂര്യയുമായി ഒരു സാമ്യമുള്ളതായിട്ടും ആരാധകര്‍ കണ്ടെത്തി. ഇതാണ് വലിയൊരു ആശയകുഴപ്പത്തിന് കാരണമായിരിക്കുന്നത്. മോഹന്‍ലാല്‍, മമ്മൂട്ടി, നിവിന്‍ പോളി, പൃഥ്വിരാജ് തുടങ്ങി മുന്‍നിര താരങ്ങളും അത്തരം സിനിമകളുടെ ഭാഗമാണ്. ഇപ്പോള്‍ തച്ചോളി ഒതേനനിലൂടെ ജയസൂര്യയും ചരിത്ര സിനിമയുടെ ഭാഗമാവുകയാണെന്നാണ് പറയുന്നത്.
Post Your Comments