മദ്യപിച്ച്‌ മോശമായി പെരുമാറിയ നടനെ മുറിയില്‍ കയറ്റാത്തതില്‍ പ്രതിഷേധിച്ച്‌ നടിക്ക് ക്രൂര മര്‍ദ്ദനം. പ്രമുഖ ഭോജ്പുരി നടി അക്ഷര സിംഗിന് നേരെയാണ് നടന്‍ പവന്‍ സിംഗിന്റെ അതിക്രമം. നടി പരാതി നല്‍കിയതിനെ തുടര്‍ന്ന് നടനെതിരെ പൊലീസ് കേസെടുത്തു. ഒരു സ്വകാര്യ റിസോര്‍ട്ടില്‍ വച്ചാണ് സംഭവം.
മദ്യപിച്ച്‌ എത്തുകയും നടിയോട് മോശമായി പെരുമാറുകയും ചെയ്ത നടന്‍ അക്ഷരയ്ക്കൊപ്പം മുറിയില്‍ പ്രവേശിക്കാന്‍ ശ്രമിച്ചു. ഇതിനെ എതിര്‍ത്തതിനാണ് നടിയെ നടന്‍ ക്രൂരമായി മര്‍ദ്ദിച്ചത്. പവന്‍ അക്ഷരയെ മര്‍ദ്ദിക്കുന്നതിന് ഹോട്ടല്‍ ജീവനക്കാര്‍ ദൃക്സാക്ഷികളാണ്. കൈകള്‍ക്ക് സാരമായി പരിക്കേറ്റ അക്ഷരയെ റിസോര്‍ട്ടിലെ ജീവനക്കാര്‍ ആശുപത്രിയില്‍ എത്തിച്ചു.
സില്‍വാസ എന്ന സിനിമയില്‍ പ്രധാന വേഷങ്ങളില്‍ അഭിനയിച്ച്‌ കൊണ്ടിരിക്കുകയായിരുന്നു ഇരുവരും. സിനിമയുടെ ചിത്രീകരണം പൂര്‍ത്തിയായതിനാല്‍ തിരികെ മുംബൈയിലേക്ക് മടങ്ങാന്‍ ഒരുങ്ങുകയായിരുന്നു അക്ഷര. ഇവര്‍ക്കിടയില്‍ നേരത്തെ തന്നെ പ്രശ്‌നങ്ങള്‍ ഉണ്ടായിരുന്നുവെന്നാണ് സൂചന. തനിക്ക് ലഭിക്കുന്ന അവസരങ്ങള്‍ പവന്‍ സിംഗ് മുടക്കിയിരുന്നുവെന്ന് അക്ഷര നേരത്തേ പരസ്യമായി ആരോപിച്ചിരുന്നു.
Post Your Comments