മോഹന്‍ലാല്‍, പ്രഭാസ്, അക്ഷയ് കുമാര്‍, കാജല്‍ അഗര്‍വാള്‍ എന്നിങ്ങനെ ഒരുപിടി താരങ്ങൾ അണിനിരക്കുന്ന ബിഗ് ബഡ്‌ജറ്റ്‌ ചിത്രമായ കണ്ണപ്പയുടെ റിലീസ് തീയതി മാറ്റി. ഫാന്‍റസി ഡ്രാമ വിഭാഗത്തില്‍ പെടുന്ന ചിത്രത്തിന്‍റെ സംവിധാനം മുകേഷ് കുമാര്‍ സിംഗ് ആണ്. വിഷ്ണു മഞ്ചു നായകനാവുന്ന ചിത്രം ഏപ്രില്‍ 25 ന് തിയറ്ററുകളില്‍ എത്തുമെന്ന് പ്രഖ്യാപിച്ചിരുന്നു.
ഒരു പ്രധാന എപ്പിസോഡില്‍ ഏറെ പ്രാധാന്യത്തോടെ വരുന്ന വിഎഫ്എക്സ് പൂര്‍ത്തിയാക്കാന്‍ കുറച്ച് ആഴ്ചകള്‍ കൂടി വേണ്ടിവരുമെന്നും അണിയറക്കാര്‍ അറിയിച്ചു. അതിനാല്‍ത്തന്നെ ചിത്രത്തിന്‍റെ റിലീസ് നീളുമന്നും. ചിത്രത്തിന്‍റെ പുതിയ റിലീസ് തീയതി പ്രഖ്യാപിച്ചിട്ടില്ല. ഇത് ഉടന്‍ അറിയിക്കുമെന്നും അണിയറക്കാർ പറയുന്നു.
ഒരു ശിവ ഭക്തന്‍റെ കഥ പറയുന്ന ചിത്രം 1976 ല്‍ പുറത്തിറങ്ങിയ തെലുങ്ക് ചിത്രം ഭക്ത കണ്ണപ്പയ്ക്കുള്ള ട്രിബ്യൂട്ട് എന്ന നിലയിലാണ് ഒരുങ്ങുന്നതെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു.
Post Your Comments