ദുരഭിമാനക്കൊല അക്രമമല്ലെന്ന് നടനും സംവിധായകനുമായ രഞ്ജിത്. തമിഴ്‌നാട്ടില്‍ നടക്കുന്ന ജാതി ദുരഭിമാനക്കൊലയെ അക്രമമായി കാണാനാവില്ല. അത് മാതാപിതാക്കള്‍ക്ക് കുട്ടികളോടുള്ള കരുതലാണ് എന്നാണ് പുതിയ സിനിമയുടെ പ്രമോഷനിടെ താരം പറഞ്ഞത്.
‘മാതാപിതാക്കള്‍ക്ക് മാത്രമേ വേദന മനസിലാകൂ. ഒരു ബൈക്ക് മോഷ്ടിക്കപ്പെട്ടാല്‍ നമ്മള്‍ പോയി അതിന് എന്താണ് സംഭവിച്ചത് എന്ന് നോക്കില്ലേ? ആ മാതാപിതാക്കള്‍ക്ക് അവരുടെ ജീവിതം എന്ന് പറയുന്നത് മക്കളായിരിക്കും. അവര്‍ക്ക് ദേഷ്യം വരുകയും അത് കാണിക്കുകയും ചെയ്യും. അത് അക്രമമല്ല. അത് അവരോടുള്ള കരുതലാണ്.’ – രഞ്ജിത് പറഞ്ഞു.
read also: നടി ചിത്രയുടെ മരണത്തിൽ ഭര്‍ത്താവിനെതിരെ തെളിവില്ലെന്ന് കോടതി
പുതിയ ചിത്രത്തിന്റെ ഭാഗമായി സേലത്തെ തിയറ്ററില്‍ എത്തിയ താരം ദുരഭിമാനക്കൊലയെക്കുറിച്ചുള്ള മാധ്യമപ്രവര്‍ത്തകരുടെ ചോദ്യത്തിനാണ് വിവാദ പ്രതികരണം നടത്തിയത്. ഇതിനെതിരെ വ്യാപക വിമര്‍ശനം ഉയരുകയാണ്.
ദുരഭിമാനക്കൊലയില്‍ തമിഴ്‌നാട്ടില്‍ നിരവധി പേര്‍ക്ക് ജീവന്‍ നഷ്ടപ്പെടുമ്പോള്‍ ഇത്തരം പ്രതികരണം നടത്താന്‍ എങ്ങനെയാണ് സാധിക്കുന്നത് എന്നാണ് വിമര്‍ശകർ ചോദിക്കുന്നത്.
Post Your Comments