ബിഗ് ബോസ് മലയാളം സീസണ്‍ ആറ് മത്സരാർത്ഥിയായിരുന്ന സീക്രട്ട് ഏജന്റെന്ന് അറിയപ്പെടുന്ന സായ് കൃഷ്ണയുടെ കാർ അപകടത്തില്‍പ്പെട്ടു. അപകടത്തില്‍ ബിഗ് ബോസ് മലയാളം സീസണ്‍ ആറിലെ മറ്റ് മത്സരാർത്ഥികളായ നന്ദനയ്ക്കും നിഷാനയ്ക്കും പരിക്കേറ്റു. സായിയുടെ ബിഎംഡബ്യു കാറിന് പിറകില്‍ പച്ചക്കറി കൊണ്ടുപോകുന്ന ലോറി വന്ന് ഇടിക്കുകയായിരുന്നു. അപകടത്തില്‍ കാറിന്റെ പിൻഭാഗം തകർന്നു. കഴിഞ്ഞ ദിവസം പുലർച്ചെയാണ് അപകടം നടന്നത്.
read also: നടിയും ടെലിവിഷൻ അവതാരകയുമായ അപർണ ഓര്‍മയായി
നന്ദനയുടെ തലയ്ക്കാണ് പരിക്കേറ്റത്. പട്ടാമ്പിയിലേക്ക് പോകും വഴിയാണ് അപകടം ഉണ്ടായത്. സായിയുടെ ഭാര്യ സ്നേഹയും നന്ദനയും നിഷാനയും സായിയുടെ മറ്റ് രണ്ട് സുഹൃത്തുക്കളും മാത്രമാണ് അപകടത്തില്‍പ്പെട്ട വാഹനത്തില്‍ ഉണ്ടായിരുന്നത്.
ബ്ലോക്കിനിടയില്‍ ഓവർ ടേക്ക് ചെയ്ത് വന്ന പച്ചക്കറി ലോറി ഇടിക്കുകയായിരുന്നുവെന്നാണ് സായിയുടെ സുഹൃത്ത് പങ്കിട്ട ഏറ്റവും പുതിയ വീഡിയോയില്‍ പറഞ്ഞത്.
Post Your Comments