സാംസ് പ്രൊഡക് ഷന്റെ ബാനറിൽ മൻസൂർ പള്ളൂർ നിർമ്മിച്ച് ഇ എം അഷ്റഫ് സംവിധാനം ചെയ്യുന്ന മോണിക്ക ഒരു എ ഐ സ്റ്റോറിയുടെ ആദ്യ ലിറിക്കൽ വീഡിയോ പുറത്തിറങ്ങി. മനോഹരമായ ഈ വരികൾ ഒരുക്കിയിരിക്കുന്നത് പ്രഭാവർമയാണ്. യുനുസിയോ ഈണം പകർന്ന ഗാനം പാടിയിരിക്കുന്നത് അദ്ദേഹത്തിന്റെ 13 വയസ്സ് പ്രായമുള്ള മകൻ അർബാഷാണ്. ജൂൺ 21 നാണ് ചിത്രം തിയേറ്ററുകളിൽ റിലീസ് ചെയ്യുന്നത്.
ഇന്ത്യയിലെ ആദ്യ എ ഐ സിനിമയായ മോണിക്ക ഒരു എ ഐ സ്റ്റോറിയിൽ എ ഐ കഥാപാത്രത്തെ അവതരിപ്പിക്കുന്നത് ആദ്യമായി സിനിമയിൽ അഭിനയിക്കുന്ന മലയാളം സംസാരിക്കുന്ന ഇംഗ്ലീഷുകാരിയായ അപർണയാണെന്ന പ്രത്യേകതകൂടിയുണ്ട്. ഗോപിനാഥ് മുതുകാടും ആദ്യമായി ഈ സിനിമയിൽ ഒരു പ്രധാന വേഷം ചെയ്യുന്നുണ്ട്. മാളികപ്പുറം ഫെയിം ശ്രീപദ്, സിനി എബ്രഹാം , മണികണ്ഠൻ, കണ്ണൂർ ശ്രീലത, മൻസൂർ പള്ളൂർ, അനിൽ ബേബി, അജയ് കല്ലായ്, മണവാളൻ എന്നിവരാണ് മറ്റ് പ്രധാന അഭിനേതാക്കൾ.പശ്ചാത്തല സംഗീതം ഒരുക്കിയിരിക്കുന്നത് റോണി റാഫേലാണ്
Post Your Comments