ബിഗ് ബോസ് മലയാളം ഷോയ്‌ക്കെതിരെ മുൻ മത്സരാർത്ഥിയും വിജയിയുമായ സംവിധായകൻ അഖില്‍ മാരാര്‍ രംഗത്തെത്തിയത് സോഷ്യൽ മീഡിയയിൽ വലിയ ചര്‍ച്ചയാകുകയാണ്. ഷോയുടെ ഹെഡ് ആയ രണ്ട് പേര്‍ക്കെതിരെയാണ് അഖില്‍ മാരാര്‍ ആരോപണം ഉന്നയിച്ച് രംഗത്തെത്തിയത്. സിബിന്‍ എന്ന മത്സരാര്‍ത്ഥിയെ ഭ്രാന്തനാക്കി ചിത്രീകരിച്ചു, ഷോയില്‍ സെലക്ട് ചെയ്യാമെന്ന് പറഞ്ഞ് സ്ത്രീകളെ പല ഹോട്ടലുകളിലേക്കും കൊണ്ട് പോയി ഉപയോഗിച്ചിട്ടുണ്ട് എന്നൊക്കെ അഖില്‍ മാരാര്‍ വെളിപ്പെടുത്തിയതിനു പിന്നാലെ സെറീനയെ കുറിച്ചാണോ പറഞ്ഞതെന്ന ചർച്ചകൾ ഉയർന്നിരുന്നു. ഇതിനു മറുപടിയുമായി എത്തിയിരിക്കുകയാണ് സെറീന ഇപ്പോൾ.
read also: സന്ധികളില്‍ നീര്‍വീക്കവും വേദനയും, രണ്ടുവർഷമായി ഞാന്‍ രോഗത്തിനെതിരെ പോരാടുകയാണ്: അന്ന രാജന്‍
കുറിപ്പ് പൂർണ്ണ രൂപം,
അഖിലേട്ടന്‍ വീഡിയോ അപ്‌ലോഡ് ചെയ്തതിന് പിന്നാലെ എനിക്ക് രണ്ട് ദിവസമായി ഒരുപാട് മെസേജുകളും കമന്റുകളുമാണ് വരുന്നത്. ഞാന്‍ ലൈവില്‍ ഒരു കമന്റ് ചെയ്‌തെന്ന് വച്ച് ഞാനാണ് ഇരയെന്ന് കരുതി നിങ്ങള്‍ ആശങ്കപ്പെടേണ്ട. ‘കൃത്യമായും വ്യക്തമായും പറഞ്ഞു’, എന്ന കമന്റ് ഒരു അഭിനന്ദനം അറിയിച്ചു കൊണ്ടുള്ള പ്രസ്താവനയാണ്. അഖിലേട്ടന്‍ അപ്‌ലോഡ് ചെയ്ത മൂന്ന് ലൈവ് വീഡിയോകളും കൊണ്ട് നിങ്ങളുടെ എല്ലാ സംശയങ്ങളും തീര്‍ന്നു എന്ന് ഞാന്‍ വിശ്വസിക്കുന്നു. പ്രസ്താവനകള്‍ നിങ്ങള്‍ക്കെല്ലാം വ്യക്തമായിരിക്കുമെന്ന് ഞാന്‍ പ്രതീക്ഷിക്കുന്നു. എന്റെ അഭിപ്രായത്തിന് നിങ്ങള്‍ പല വ്യാഖ്യാനങ്ങളും നല്‍കേണ്ടതില്ല.
ഇത് വ്യക്തമാക്കണമായിരുന്നു അതുകൊണ്ടാണ് ഞാന്‍ സംസാരിച്ചത്. മാത്രമല്ല ഞാനൊരു സ്ത്രീയാണ്, ഞാന്‍ സ്ത്രീകള്‍ക്ക് വേണ്ടി സംസാരിക്കും. അതിനാല്‍ നിങ്ങളില്‍ ആരെങ്കിലും സൈബര്‍ ആക്രമണം നേരിട്ടിട്ടുണ്ടെങ്കില്‍ ദയവായി മനസിലാക്കുക, ബിഗ് ബോസ് സീസണ്‍ 5 മുതല്‍ ഞാന്‍ അതിനേക്കാളേറെ സൈബര്‍ ആക്രമണങ്ങള്‍ നേരിട്ടുകൊണ്ടിരിക്കുകയാണ്. ഒരു വര്‍ഷമായി അത് തുടര്‍ന്നു കൊണ്ടിരിക്കുകയാണ്. ഞങ്ങള്‍ക്ക് എതിരെയുള്ള ഇത്തരം ആരോപണങ്ങള്‍ ദയവായി നിര്‍ത്തൂ. സത്യം പ്രകാശിക്കട്ടെ. ഞാന്‍ എപ്പോഴും പറയുന്നത് പോലെ ഈ പ്ലാറ്റ്‌ഫോമിനോടും നിങ്ങളോടും എന്നും ഞാന്‍ നന്ദിയുള്ളവള്‍ ആയിരിക്കും.
Post Your Comments