എന്റെ മകന് ബ്ലെസിയിലൂടെ ഈശ്വരൻ നല്‍കിയ വരദാനം ‘ആടുജീവിതം’ : മല്ലിക സുകുമാരൻ

മലയാളി പ്രേക്ഷകർ കാത്തിരുന്ന ആടുജീവിതം തിയറ്ററിലേക്ക് എത്തിയിരിക്കുകയാണ്. പൃഥ്വിരാജിന്റെ അമ്മയും നടിയുമായ മല്ലിക സുകുമാരൻചിത്രത്തെക്കുറിച്ച് സോഷ്യല്‍ മീ‍ഡിയയില്‍ പങ്കുവച്ച വാക്കുകളാണ് ശ്രദ്ധനേടുന്നത്. തന്റെ മകൻ രാജുവിന് ബ്ലെസിയിലൂടെ ഈശ്വരൻ നല്‍കിയ വരദാനമാണ് ആടുജീവിതം എന്നാണ് മല്ലിക സുകുമാരൻ കുറിച്ചു.

മല്ലിക സുകുമാരന്റെ കുറിപ്പ്

ആടുജീവിതം എന്ന സിനിമ ലോകമെമ്ബാടും പ്രദർശനത്തിന് എത്തുകയാണ്. നല്ല കഥകള്‍ സിനിമയായി വരുമ്ബോള്‍ അവയെ നിറഞ്ഞ സന്തോഷത്തോടെ സ്വീകരിക്കുന്ന പ്രേക്ഷകർ എന്നെയും എന്റെ മക്കളെയും എന്നും മനസ്സാലെ അംഗീകരിച്ചിട്ടുള്ള അഭ്യുദയകാംക്ഷികളോട് ഒന്നേ പറയാനുള്ളു…എന്റെ മകനിലൂടെ നിങ്ങള്‍ നജീബിനെ കാണണം…ആടുജീവിതം എന്റെ മകൻ രാജുവിന്, ബ്ലെസിയിലൂടെ ഈശ്വരൻ നല്‍കിയ വരദാനമാണ്….പ്രാർഥനയോടെ നിങ്ങളുടെ മുന്നില്‍ സമർപ്പിക്കുന്നു.

read also: ഭരിച്ചിരുന്നവരുടെ ഭാര്യാ പിതാവിനെപ്പോലെയായിരുന്നു പാകിസ്ഥാൻ, പക്ഷേ ഇന്ന് അങ്ങനെയല്ല, പ്രധാനമന്ത്രിയുണ്ട്: മേജർ രവി

ബന്യാമിൻ എഴുതിയ ആടുജീവിതം എന്ന പുസ്തകമാണ് ബ്ലെസി സിനിമയാക്കുന്നത്. 2018 ലായിരുന്നു ചിത്രീകരണം ആരംഭിച്ചത്. കോവിഡ് കാരണം ചിത്രത്തിന്റെ ഷൂട്ടിങ് വീണ്ടും നീണ്ടു.  പൃഥ്വിരാജിന്റെ കരിയറിലെ തന്നെ ഏറ്റവും വലിയ സിനിമയാണ് ആടുജീവിതം.