ആരോ നിർബന്ധിച്ച് കൊണ്ടുവന്ന് ഇരുത്തിയത് പോലെയാണ്, സിനിമയുടെ കാര്യത്തിൽ ഞാനും അപ്പുവും ഒരുപോലെ : ധ്യാൻ ശ്രീനിവാസൻ

വമ്പൻ വിജയമായ ഹൃദയം എന്ന ചിത്രത്തിന് ശേഷം വിനീത് ശ്രീനിവാസൻ സംവിധാനം ചെയ്യുന്ന പുതിയ ചിത്രത്തിൽ ധ്യാൻ ശ്രീനിവാസനും പ്രധാന വേഷത്തിലെത്തുന്നുണ്ട്.

ഇപ്പോൾ പ്രണവുമായി അഭിനയിച്ചതിന്റെ രസകരമായ വിശേഷങ്ങൾ പങ്കുവച്ചിരിക്കുകയാണ് ധ്യാൻ. അഭിനയിക്കുന്ന സമയത്ത് പോലും ഭയങ്കര ഡിറ്റാച്ച്ഡ് ആണ് ഞങ്ങൾ ആ സിനിമയുമായി, ആരോ നിർബന്ധിച്ച് ഇരുത്തിയ പോലൊരു തോന്നലാണ്.

അഭിനയത്തോട് വലിയ പാഷൻ ഇല്ലാത്തത് കൊണ്ട് ചെയ്തുപോകുന്നു എന്നേയുള്ളൂ, സെറ്റിൽ അതുകൊണ്ട് പ്രണവ് കൂട്ടുണ്ട്. എന്നാൽ ഏട്ടൻ വിനീതിന് സിനിമയെന്നാൽ വികാരമാണ്, ചില സീനുകൾ കഴിയുമ്പോൾ കണ്ണ് നിറയുന്ന കാണാം, ഏട്ടൻ അത്തരത്തിലാണ് സിനിമയെ സമീപിക്കുന്നതെന്നും ധ്യാൻ വ്യക്തമാക്കി.