എന്നെ അനുകരിക്കുന്നത് വികലമായിട്ടാണ് എന്നാണ് പറഞ്ഞത്, പ്രോ​​ഗ്രാം നിർത്താൻ ആവശ്യപ്പെട്ടില്ല: നടൻ അശോകൻ

തന്നെ അസീസ് അനുകരിക്കുന്നത് വികലമായിട്ടാണെന്ന് അഭിപ്രായപ്പെട്ട് നടൻ അശോകൻ രം​ഗത്തെത്തിയിരുന്നു. നടൻ അശോകനെ ഇനി വേ​ദികളിൽ അവതരിപ്പിക്കില്ലെന്ന് വ്യക്തമാക്കി അസീസും രം​ഗത്തെത്തിയിരുന്നു.

എന്നെ ഇമിറ്റേറ്റ് ചെയ്യുന്നതിന് കൃത്യമായ മറുപടി ഞാൻ നൽകിയതാണ്. വ്യക്തമായ മറുപടിയാണ് ഇക്കാര്യത്തിൽ കൊടുത്തത്. അതിലധികം ചർച്ച ഈ വിഷയത്തിൽ വേണമെന്ന് തോന്നുന്നില്ലെന്നും അശോകൻ വ്യക്തമാക്കി.

അനാവശ്യമായി ഇക്കാര്യത്തിൽ വിവാദം ഉണ്ടാകരുതെന്നും വിവാദമാക്കിയാലും പറഞ്ഞത് കൃത്യമായ കാര്യമാണെന്നും അതിൽ മറ്റൊരു അഭിപ്രായവും തോന്നുന്നില്ലെന്നും താരം വ്യക്തമാക്കി. മിമിക്രി എന്നത് വലിയൊരു കലയാണ്, അത് നിർത്താൻ ഞാൻ ആവശ്യപ്പെട്ടില്ല എന്നും അശോകൻ വ്യക്തമാക്കി.