ദേവനന്ദ കേന്ദ്ര കഥാപാത്രം: ഗു ഫസ്റ്റ് ലുക്ക് പോസ്റ്റർ പ്രകാശനം ചെയ്തു

മണിയൻപിള്ള രാജു പ്രൊഡക്ഷൻസിന്റെ ബാനറിൽ മണിയൻപിള്ള രാജു നിർമ്മിച്ച് മനു സംവിധാനം ചെയ്യുന്ന ഗു എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പ്രകാശനം ചെയ്തു.

സൂപ്പർ നാച്വറൽ ജോണറിൽ അവതരിപ്പിക്കുന്ന ഈ ചിത്രത്തിൽ ദേവനന്ദയാണ് കേന്ദ്ര കഥാപാത്രത്തെ അവതരിപ്പിക്കുന്നത്. മാളികപ്പുറത്തിലൂടെ പ്രേക്ഷകരുട മനം കവർന്ന ദേവനന്ദയുടെ ഏറ്റം മികച്ച പെർഫോമൻസിന് വേദിയാകുന്നതാണ് ഈ ചിത്രം. സൈജുക്കുറുപ്പ്, നിരഞ്ജ് മണിയൻപിള്ള രാജു, മണിയൻപിള്ള രാജു, കുഞ്ചൻ, ലയാ സിംസൺ, അശ്വതി മനോഹർ, നന്ദിനി ഗോപാലകൃഷ്ണൻ, എന്നിവരും പ്രധാന വേഷങ്ങളിലെത്തുന്നു.

സംഗീതം – ജോനാഥൻ ബ്രൂസ്, ഛായാഗ്രഹണം – ചന്ദ്രകാന്ത് മാധവ്, എഡിറ്റിംഗ് – വിനയൻ എം.ജി. നിർമ്മാണ നിർവഹണം – എസ്. മുരുകൻ. കുട്ടികളെ പ്രധാനമായും കേന്ദ്രമാക്കി അവതരിപിക്കുന്ന സൂപ്പർ നാച്വറൽ ഹൊറർ ഫാന്റെസി ചിത്രമാണിത്.

കുട്ടികളേയും മുതിർന്നവരേയും ഒരുപോലെ ആകർഷിക്കും വിധത്തിൽ ക്ലീൻ എന്റെർടൈനറായി അവതരിപ്പിക്കുന്ന ഈ ചിത്രത്തിന്റെ പോസ്റ്റ് പ്രൊഡക്ഷൻ ജോലികൾ പുരോഗമിക്കുന്നു. പിആർ ഒ: വാഴൂർ ജോസ്.