ബെംഗളൂരുവിൽ സ്ത്രീയെ വളർത്തുനായ്ക്കൾ കടിച്ച സംഭവത്തിൽ കന്നഡ നടൻ ദർശനെതിരെ കേസെടുത്ത് പോലീസ്. സംഭവത്തെ തുടർന്ന് വൻ പ്രതിഷേധമാണ് ഉയരുന്നത്. വീടിന് സമീപമുള്ള സ്ഥലത്ത് കാർ പാർക്ക് ചെയ്ത ശേഷം ഒരു പരിപാടിയിൽ പങ്കെടുക്കാൻ യുവതി പോയ സമയത്താണ് സംഭവം.
പരിപാടിയിൽ പങ്കെടുത്ത് മടങ്ങുമ്പോൾ തന്റെ വാഹനത്തിന് സമീപം മൂന്ന് നായ്ക്കളുമായി ഒരാൾ നിൽക്കുന്നത് കണ്ടതായി പരാതിയിൽ പറയുന്നു. നായ്ക്കളെ മാറ്റിയാൽ തനിക്ക് പോകാമായിരുന്നുവെന്ന് പറഞ്ഞ യുവതിയെ നായ്ക്കളുമായി നിന്ന ജീവനക്കാരിൽ ഒരാൾ നായ്ക്കളെ അഴിച്ച് വിട്ട് കടിപ്പിക്കുകയായിരുന്നു.
അതി ക്രൂരമായി നായ്ക്കൾ ആക്രമിക്കുന്ന കണ്ടിട്ടും ജീവനക്കാരൻ നായ്ക്കളെ തിരികെ വിളിക്കുകയോ, യുവതിയെ രക്ഷിക്കുവാൻ ശ്രമിക്കുകയോ ചെയ്തില്ല. നായ്ക്കളുടെ ആക്രമണത്തിൽ ഗുരുതരമായി പരിക്കേറ്റ യുവതിയുടെ വസ്ത്രങ്ങളെല്ലാം കീറി പോകുകയും ചെയ്തിരുന്നു. സംഭവത്തിൽ പോലീസ് അന്വേഷണം നടത്തിവരികയാണ്.
Post Your Comments