അശ്ലീല ചിത്ര നിർമ്മാണത്തിന് പോലീസ് പിടിച്ച ഓരോ നിമിഷവും ഭയാനകമായിരുന്നു: മനസ് തുറന്ന് ശിൽപ്പ ഷെട്ടിയുടെ ഭർത്താവ് രാജ്

നടി ശിൽപ ഷെട്ടിയുടെ ഭർത്താവ് രാജ്, 2021 ജൂലൈയിൽ അശ്ലീല സിനിമകളുടെ നിർമ്മാണത്തിലും പ്രസിദ്ധീകരണത്തിലും പങ്കുള്ളതായി ആരോപിച്ച് മുംബൈ പോലീസ് അറസ്റ്റ് ചെയ്യുകയും രണ്ട് മാസത്തിലധികം ജയിലിൽ കഴിയുകയും ചെയ്തത് വൻ വാർത്തയായി മാറിയിരുന്നു. ബോളിവുഡിൽ തിളങ്ങിയ നടിയുടെ ഭർത്താവിന്റെ അറസ്റ്റോടെ വൻ വിവാദമാണ് ഉയർന്നത്.

അറസ്റ്റിലായി ജയിലിലെത്തിയ നാൾ മുതൽ ഒടുവിൽ താൻ പുറത്തിറങ്ങുന്നത് വരെയുള്ള 63 ദിവസത്തെ ജയിൽവാസം അതി കഠിനമായിരുന്നു എന്നാണ് രാജ് കുന്ദ്ര പറഞ്ഞത്. ഓർക്കാൻ പോലും ജീവിതത്തിൽ ഇഷ്ടമില്ലാത്ത നാളുകളായിരുന്നു കഴിഞ്ഞ് പോയതെന്നും രാജ് കുന്ദ്ര വ്യക്തമാക്കി.

ഞാൻ ഒരു തെറ്റും ചെയ്തിട്ടില്ലെന്നറിഞ്ഞതിനാൽ സിംഹത്തെപ്പോലെ ഞാൻ പുറത്തിറങ്ങി. വിഷയം അശ്ലീല ചിത്രം നിർമ്മിച്ചു എന്നതായതിനാൽ താനും കുടുംബവും ഒരുപാട് പരിഹസിക്കപ്പെട്ടുവെന്നും എന്നാൽ അതൊക്കെ വെറും ആരോപണം മാത്രം അയിരുന്നുവെന്നും രാജ് കുന്ദ്ര മാധ്യമങ്ങളോട് പറഞ്ഞു.