നടത്തുന്നത് ചീപ്പ് പബ്ലിസിറ്റി സ്റ്റണ്ട്, ഭാര്യയോടോ മക്കളോടോ സ്നേഹമില്ല: ശിവയെ പിന്തുണച്ച് ഇമ്മന്റെ ആദ്യഭാര്യ

ശിവകാർത്തികേയനെക്കുറിച്ചുള്ള സംഗീത സംവിധായകന്റെ വിവാദ പ്രസ്താവനയ്‌ക്കെതിരെ ഡി ഇമ്മന്റെ മുൻ ഭാര്യ മോണിക്ക റിച്ചാർഡ് രം​ഗത്തെത്തി. ശിവകാർത്തികേയനൊപ്പം പ്രവർത്തിക്കില്ല എന്ന ഇമ്മന്റെ തീരുമാനം തികച്ചും വ്യക്തിപരമാണെന്നും എന്നാൽ അത് രൂപപ്പെടുത്തിയ രീതി തെറ്റായി വ്യാഖ്യാനിക്കപ്പെടുന്നതിലേക്ക് നയിച്ചെന്നും പറഞ്ഞു.

ശിവകാർത്തികേയൻ തങ്ങളുടെ കുടുംബ സുഹൃത്താണെന്നും അദ്ദേഹത്തെ ‘വളരെ മാന്യനായ വ്യക്തി’യാണെന്നും മോണിക്ക റിച്ചാർഡ് പറഞ്ഞു. വിവാഹമോചനം ഒഴിവാക്കാനാണ് തനിക്കും ഇമ്മനും ഇടയിൽ ശിവകാർത്തികേയൻ മധ്യസ്ഥത വഹിക്കാൻ എത്തിയതെന്ന് അവർ പറഞ്ഞു. ഇമ്മന്റെ വിവാഹമോചന തീരുമാനത്തെ ശിവകാർത്തികേയൻ പിന്തുണച്ചില്ല, വലിയ വഞ്ചന എന്ന് ഇമ്മാൻ വിശേഷിപ്പിച്ച സംഭവം ഇതാണെന്നും ആദ്യ ഭാര്യ വ്യക്തമാക്കി.

കൂടാതെ ഇമ്മന്റെ വൃത്തികെട്ട പ്രസ്താവനകൾ കാരണം പ്രശസ്തി അപകടത്തിലായ നടൻ ശിവകാർത്തികേയനോട് തനിക്ക് വിഷമമുണ്ടെന്ന് അവർ കൂട്ടിച്ചേർത്തു. മനം കൊത്തി പറവൈ, വരുത്തപടാത്ത വാലിബർ സംഘം, രജനി മുരുകൻ, സീമ രാജ, നമ്മുടെ വീട്ടു പിള്ള എന്നിങ്ങനെ അഞ്ച് ചിത്രങ്ങളാണ് ശിവകാർത്തികേയനും ഇമ്മനും ഇതുവരെ കൈകോർത്തിട്ടുള്ളത്.