‘കളം @24’: ഫസ്റ്റ് ലുക്ക് പോസ്റ്റർ വിഷ്ണു ഉണ്ണികൃഷ്ണൻ റിലീസ് ചെയ്തു

കൊച്ചി: ‘കളം @24’ എന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റർ, പ്രമുഖ നടൻ വിഷ്ണു ഉണ്ണികൃഷ്ണൻ തൻ്റെ ഫേസ്ബുക്ക് പേജിലൂടെ റിലീസ് ചെയ്തു. ഇന്ത്യയിൽ ആദ്യമായി സെറിബ്രൽ പാൾസി രോഗം ബാധിച്ച പന്തളം സ്വദേശിയായ, രാഗേഷ് കൃഷ്ണൻ കുരമ്പാല സംവിധായകനായി അരങ്ങേറുന്ന ഈ ചിത്രം ഉടൻ റിലീസ് ചെയ്യും. സിനി ഹൗസിൻ്റെ ബാനറിൽ നിർമ്മിച്ച ‘കളം @24’, ഫാൻ്റസിയും ഡ്രാമയും മിക്സ് ചെയ്ത വ്യത്യസ്തമായ സസ്പെൻസ് ത്രില്ലർ ചിത്രമാണന്ന് രാഗേഷ് കൃഷ്ണൻ കുരമ്പാല പറയുന്നു.

വിനോദ്, ശാലിനി ദമ്പതികളുടെ ജീവിതത്തിൽ, അവർ പോലും അറിയാതെ കടന്നു വരുന്ന ചില ഞെട്ടിപ്പിയ്ക്കുന്ന സംഭവങ്ങൾ അവതരിപ്പിക്കുകയാണ് ‘കളം @24’ എന്ന ചിത്രം. വിനോദിൻ്റെയും, ശാലിനിയുടെയും ജീവിതത്തിലേക്ക്, ഒരു ദിവസം, ഡോ. സോനു, അഞ്ജലി ദമ്പതികൾ കടന്നു വരുന്നു. തുടർന്നുണ്ടാകുന്ന ഞെട്ടിപ്പിക്കുന്ന സംഭവങ്ങൾ ‘കളം @24’ എന്ന ചിത്രത്തെ വ്യത്യസ്തമായൊരു അനുഭവമാക്കുന്നു. വിനോദ് ആയി അങ്കിത് ജോർജ് അലക്സും, ശാലിനിയായി, ശിശിര രിലേഷ്, ഡോ. സോനുവായി സെയ്ഫുവും, അഞ്ജലിയായി അമൃതയും വേഷമിടുന്നു.

വിനീത്, ലാല്‍ ജോസ്, മുക്ത എന്നിവർ ഒന്നിക്കുന്ന ‘കുരുവിപാപ്പ’: പുതിയ പോസ്റ്റർ റിലീസായി

സിനി ഹൗസിൻ്റെ ബാനറിൽ സിഎംകെ നിർമ്മിക്കുന്ന ‘കളം @24’ എന്ന ചിത്രം രാഗേഷ് കൃഷ്ണൻ കുരമ്പാല, കഥ, തിരക്കഥ, സംഭാഷണം, സംവിധാനം നിർവ്വഹിക്കുന്നു. ക്യാമറ – വിശാൽ മോഹൻദാസ്, ഗാനങ്ങൾ, സംഗീതം – വിജയലക്ഷ്മി, കല – ശ്യാം കൊല്ലം, പ്രേം പന്തളം, മേക്കപ്പ് – അനൂപ് മൂവാറ്റുപുഴ, ശ്രീലാൽ പാലോളി, പ്രൊഡക്ഷൻ കൺട്രോളർ – കാർത്തിക് പന്തളം, മാനേജർ – പ്രേം പന്തളം, സ്പോട്ട് എഡിറ്റർ – ബിഞ്ചു, അസോസേറ്റ് ഡയറക്ടർ – മനീഷ് കുമാർ, അസിസ്റ്റൻ്റ് ഡയറക്ടർ – നിതീഷ് ശിവൻ അഞ്ചൽ, അഖിൽ, സന്തോഷ് കാസർഗോഡ്, പിആർഒ – അയ്മനം സാജൻ.

അങ്കിത് ജോർജ് അലക്സ്, സെയ്ഫു, ശിശിര റിലേഷ്, അമൃത, റെജി പുനലൂർ, സിജോ തെരുവപ്പുഴ, കല, രഞ്ജിത് കുളനട എന്നിവരോടൊപ്പം മറ്റ് പുതുമുഖങ്ങളും ചിത്രത്തിൽ വേഷമിടുന്നു.

അയ്മനം സാജൻ