മസിൽ ചിത്രകാരൻ്റെ പ്രണയതന്ത്രങ്ങൾ: ‘ദി ബേണിംങ് ഗോസ്റ്റ്’, പൂർത്തിയാകുന്നു

കൊച്ചി: ശരപഞ്ചരം എന്ന ചിത്രത്തിൽ ജയൻ, മസില് കാണിച്ച്, കുതിരയെ എണ്ണ തേച്ച് ഷീലയെ വളച്ച പോലെ, ഇതാ ഒരാൾ മസിൽ കാണിച്ച് പടം വരച്ച് വീട്ടിലെ കൊച്ചമ്മയെ വളയ്ക്കാൻ ശ്രമിക്കുന്നു. വിഷ്ണുവർധൻ എന്നാണ് ഈ മിടുമിടുക്കനായ ചിത്രകാരൻ്റെ പേര്. എസ്ജെ പ്രൊഡക്ഷൻസിനു വേണ്ടി എകെബി കുമാർ രചനയും, സംവിധാനവും നിർവ്വഹിക്കുന്ന ‘ദിബേണിംങ് ഗോസ്റ്റ്’ എന്ന ചിത്രത്തിലാണ് ഈ മസിൽ ചിത്രകാരൻ കടന്നു വരുന്നത്.

മമ്മൂട്ടി ചിത്രമായ ദൈവത്തിൻ്റെ സ്വന്തം ക്ലീറ്റസ്, കൽക്കി, ഏതൻ എന്നീ ചിത്രങ്ങളിൽ വില്ലൻ വേഷങ്ങളിൽ എത്തുകയും, എസ്കേപ്പ് ഫ്രം ബ്ലാക്ക് വാട്ടർ എന്ന ഹോളിവുഡ് ചിത്രത്തിൽ പ്രധാന വേഷത്തിൽ അഭിനയിക്കുകയും ചെയ്ത ജോജോ സിറിയക് ആണ് ചിത്രത്തിൽ വിഷ്ണുവർധനായി വേഷമിടുന്നത്. വിഷ്ണുവർധൻ വളച്ച, കൊച്ചമ്മ ലക്ഷ്മിയായി, തമിഴ് മലയാളം നടി വൈഗ റോസും വേഷമിടുന്നു.

അവളുടെ കാലില്‍ വീഴാന്‍ പോലും ഞാന്‍ തയ്യാറാണ്, മോനെ കാണാന്‍ സമ്മതിക്കണം: നടി ശ്വേതയ്ക്കെതിരെ ഭർത്താവ്

മൂന്നാറിലാണ് സംഭവം അരങ്ങേറിയത്. കോടീശ്വരനായ തരകൻ്റെ ബംഗ്ലാവ് അവിടെയാണ് ഉള്ളത്. തരകൻ വലിയ ബിസിനസുകാരനാണ്. എപ്പോഴും ബിസിനസുമായി ബന്ധപ്പെട്ട് വിദേശ രാജ്യങ്ങളിൽ ടൂറിലായിരിക്കും. തരകൻ്റെ ഭാര്യ ലക്ഷ്മി ഹൗസ് വൈഫാണ്. ടിവി കാണലാണ് പ്രധാന ജോലി. പിന്നെ മൂക്ക് മുട്ടെ തിന്ന് സ്വപ്നം കണ്ടുറങ്ങും. ഒരു ദിവസം ലക്ഷ്മി ഉണർന്നപ്പോൾ, അതാ മുറ്റത്തൊരാൾ നിൽക്കുന്നു. വിഷ്ണുവർധൻ.

വിദേശത്ത് പോയി ചിത്രരചന പഠിച്ച മിടുമിടുക്കൻ. ആളെ കണ്ട് അതു പോലെ വരയ്ക്കും. തൻ്റെ ചിത്രം വരക്കാൻ ലക്ഷ്മി സമ്മതിച്ചു. വിഷ്ണുവർധൻ, മസിൽ കാണിച്ച് ലക്ഷ്മിയുടെ ചിത്രം വരക്കാൻ തുടങ്ങി. ഇടയ്ക്ക് ചില, കോരിത്തരിപ്പിക്കുന്ന കമൻ്റുകൾ, കണ്ണുകൾ കൊണ്ടുള്ള കടാക്ഷങ്ങൾ. ചിത്രം പൂർത്തിയാവുന്നതിന് മുമ്പ് ലക്ഷ്മി, വിഷ്ണുവർധൻ്റ മുമ്പിൽ വീണുപോയി. തനിക്കുള്ളതെല്ലാം അവൾ അയാൾക്ക് മുമ്പിൽ അടിയറ വെച്ചു.

അജയ് ഭൂപതിയുടെ പാൻ-ഇന്ത്യൻ ആക്ഷൻ ഹൊറർ ചിത്രം ‘ചൊവ്വാഴ്ച’: പുതിയ ഗാനം പുറത്തിറങ്ങി!

സിനിമയിലെ ആകർഷകമായ രംഗമാണിത്. ഒരു ഗാനരംഗത്തിലൂടെയും പ്രണയരംഗങ്ങൾ കൊഴുപ്പിക്കുന്നുണ്ട്. ജോജോ സിറിയക്കും, വൈഗറോസും നല്ലൊരു ജോഡിയായി ഈ രംഗത്ത് അഭിനയിച്ചു. തരകനായി റഫീക് ചൊക്ലിയും വേഷമിടുന്നു. ചിത്രീകരണം പൂർത്തിയായ ദ ബേണിംങ് ഗോസ്റ്റ് ഉടൻ തീയേറ്ററിലെത്തും. എസ്ജെ പ്രൊഡക്ഷൻസിനു വേണ്ടി ജോസ് ദേവസ്യ, സെബി ഞാറയ്ക്കൽ എന്നിവർ നിർമ്മിക്കുന്ന ചിത്രത്തിന്റെ രചന, സംവിധാനം എന്നിവ എകെബി കുമാർ നിർവ്വഹിക്കുന്നു.

എക്സിക്യൂട്ടിവ് പ്രൊഡ്യൂസർ – മെഹമ്മൂദ് കെഎസ്, ഡിഒപി – ഷെട്ടി മണി, ആർട്ട് – കെകെ ബിജു, ബിജിഎം – ജോയി മാധവ്, ഡിഐ – അലക്സ് വർഗീസ്, മേക്കപ്പ് – ജയൻ എരുവേശി, കോസ്റ്റൂമർ – ദേവകുമാർ കീഴ്മാട്, എഫക്റ്റ് – ബെർലിൻമൂലം പള്ളി, പ്രൊഡക്ഷൻ കൺട്രോളർ – നിധീഷ് മുരളി, അസോസിയേറ്റ് ഡയറക്ടർ – അർജുൻ ദേവരാജ്, സ്റ്റിൽ – സാബു പോൾ, പിആർഒ – അയ്മനം സാജൻ.

ബോബൻ ആലുംമൂടൻ, റഫീക് ചൊക്ലി, ജോജോ സിറിയക്, എകെബി കുമാർ, ജോസ് ദേവസ്യ, സെബി ഞാറക്കൽ, സജിവൻ ഗോഗുലം, വൈഗ റോസ്, അസ്മി പിള്ള, ശിവദാസ് മാറമ്പള്ളി, ജീവ, സികെ സാജു, ലൈല, ഷെറിൻ എന്നിവർ അഭിനയിക്കുന്നു.

അയ്മനം സാജൻ.