സണ്ണി ഡിയോളും അമീഷ പട്ടേലും പ്രധാന കഥാപാത്രങ്ങളായെത്തിയ ഗദർ 2 തിയേറ്ററിൽ വൻ വിജയമാണ് കൊയ്തത്. ജവാൻ പോലുള്ള വമ്പൻ ചിത്രങ്ങൾക്കൊപ്പം പൊരുതി നേടിയ വിജയം കൂടിയാണ് ഗദറിന്റേത്.
അനിൽ ശർമ്മ സംവിധാനം ചെയ്ത ഈ ചിത്രത്തിൽ, 2001 ലെ ഗദർ: ഏക് പ്രേം കഥയിലെ താരാ സിംഗ് എന്ന കഥാപാത്രത്തെയാണ് സൂപ്പർ താരം ഡിയോൾ വീണ്ടും അവതരിപ്പിച്ചു കയ്യടി നേടിയത്. ചിത്രത്തിൽ സക്കീനയായി അമീഷ പട്ടേലും ചരൺജീത് ആയി ഉത്കർഷ് ശർമ്മയുമാണ് അഭിനയിച്ചത്. കൗണ്ട്ഡൗൺ ആരംഭിക്കുന്നു! നിങ്ങളുടെ ഹൃദയം കീഴടക്കാൻ താരാ സിംഗ് ഒരുങ്ങിയിരിക്കുന്നു! ഇന്ത്യയിലെ ഏറ്റവും വലിയ ബ്ലോക്ക്ബസ്റ്റർ ഗദർ 2 ഒടിടി റിലീസിനെത്തുന്നു എന്നാണ് പരസ്യം.
ആഗസ്ത് 11 ന് റിലീസ് ചെയ്ത ചിത്രം ഇതുവരെ 700 കോടിക്കടുത്ത് നേടിക്കഴിഞ്ഞു. നാളെ മുതൽ സീ 5 ലാണ് ചിത്രം എത്തുക. വൻതുക കളക്ട് ചെയ്ത ചിത്രങ്ങളുടെ കൂട്ടത്തിൽ ഇത്തവണ ബോളിവുഡിൽ നിന്നും ഗദർ 2 വും സ്ഥാനം പിടിച്ചിരുന്നു.
Post Your Comments