ദുൽഖർ ചിത്രമായ കൊത്തയിൽ അഭിനയിക്കാൻ നടൻ പ്രമോദ് വെളിയനാടിനും അവസരം ലഭിച്ചിരുന്നു. ചിത്രത്തെക്കുറിച്ച് റിലീസിന് മുൻപ് താനും അഭിനയിച്ചിട്ടുണ്ട്, നല്ല വേഷമാണ് എന്ന് പ്രമോദ് പറയുകയും ചെയ്തിരുന്നു.
എന്നാൽ സിനിമ പുറത്ത് എത്തിയപ്പോൾ പ്രതീക്ഷിച്ച വിജയം കണ്ടില്ല, മാത്രവുമല്ല പ്രമോദിന്റെ സീനുകളും കുറവായിരുന്നു. ഇതോടെ സൈബറിടങ്ങളിൽ പ്രമോദിനെ പരിഹസിച്ച് ഒരുപാട് പേർ എത്തിയിരുന്നു. റിലീസിന് മുൻപ് പ്രമോദ് വെളിയനാട് ചിത്രത്തെക്കുറിച്ച് പറഞ്ഞ കാര്യങ്ങളാണ് ട്രോളു ചെയ്യപ്പെടുന്നത്. സൈബറിടങ്ങളിൽ പരിഹാസം അതിന്റെ എല്ലാ അതിരുകളും ഭേദിച്ചു മുന്നോട്ട് പോകുമ്പോൾ പ്രതികരണവുമായി എത്തുകയാണ് പ്രമോദ് വെളിയനാട്.
എന്റെ ജീവിതത്തിൽ അത്രയും വലിയ സിനിമയുടെ ഭാഗമായിട്ടില്ല, അത്ഭുത ലോകത്ത് നിന്ന് കാണുന്ന പോലെയാണ് ആ ചിത്രത്തെ കണ്ടത്. എന്റെ ജീവിതത്തിൽ ആ ചിത്രം എടുത്തു പറയുന്ന ഒന്നാണ്. നിങ്ങളെക്കുറിച്ച് നിങ്ങളുടെ മാതാപിതാക്കൾക്ക് നല്ല അഭിപ്രായം ആണെന്ന് കരുതി നാട്ടുകാർക്ക് അങ്ങനാകുമോ എന്നും നടൻ പ്രമോദ് വെളിയനാട് ചോദിക്കുന്നു. ഒരു നേരത്തെ ഭക്ഷണം തന്ന്, വീട്ടിലേക്ക് ഒരു നേരം ആഹാരം തന്ന സിനിമയെക്കുറിച്ച് മോശം പറയണോ എന്നും നടൻ ചോദിക്കുന്നു. ആ സിനിമ എനിക്ക് പൊന്നാണെന്നും നടൻ പ്രമോദ് വ്യക്തമാക്കി.
Post Your Comments