സൂപ്പർ താരം നാഗ ചൈതന്യയുടെ ഏക ലൈലയിലൂടെയാണ് പൂജാ ഹെഗ്ഡെ ടോളിവുഡിൽ അരങ്ങേറ്റം കുറിച്ചത്. അതിനു ശേഷം വരുൺ തേജിനൊപ്പം മുകുന്ദ എന്ന ചിത്രത്തിലും അഭിനയിച്ചിരുന്നു.
ദുവ്വാജ ജഗന്നാഥം, അരവിന്ദ സമേത വീരരാഘവ, മഹർഷി, അല വൈകുണ്ഠപുരമുലോ, രാധേഷ്യം, ആചാര്യ എന്നീ ചിത്രങ്ങളിലും നടി തിളങ്ങിയിരുന്നു. എന്നാൽ നടി അടുത്തിടെ സൽമാൻ ഖാനൊപ്പം അഭിനയിച്ച കിസി കാ ഭായ് കിസി കി ജാൻ വലിയ വിജയമായിരുന്നില്ല, ഇതോടെ നടിയുടെ പരാജയ ചിത്രങ്ങളുടെ എണ്ണവും കൂടുകയാണ്. ഗുണ്ടൂർ കാരം എന്ന ചിത്രത്തിൽ മഹേഷ് ബാബുവിനൊപ്പം അവസരം ലഭിച്ചെങ്കിലും നടി അത് ഉപേക്ഷിച്ചിരുന്നു.
അതിനിടെ നടിയുമായി ബന്ധപ്പെട്ട ഒരു വാർത്ത വൈറലായിരിക്കുകയാണ്, താരം ഉടൻ വിവാഹിതയാകാൻ പോകുന്നു എന്നാണ് ബിടൗൺ സംസാരം. പ്രമുഖ ക്രിക്കറ്റ് താരത്തിനൊപ്പം നടിയെ പല വേദികളിലും കണ്ടുവെന്നും ഉടനെ ഇരുവരും വിവാഹിതരാകുമെന്നുമുള്ള വാർത്തകളാണ് പ്രചരിക്കുന്നത്. ക്രിക്കറ്റ് താരം ആരെന്ന് ഇതുവരെ വെളിപ്പെടുത്തിയിട്ടില്ല. മുംബൈ ആസ്ഥാനമായുള്ള ഒരു താരത്തെയാണ് പൂജ ഹെഗ്ഡെ വിവാഹം കഴിക്കാൻ പോകുന്നതെന്നാണ് റിപ്പോർട്ടുകൾ. പ്രണയ, വിവാഹ വാർത്തകളോട് നടി പൂജ ഹെഗ്ഡെ ഇതുവരെ പ്രതികരിച്ചിട്ടില്ല.
Post Your Comments