അസാധ്യ അഭിനയമാണ് മലയാള നടിമാർ, സ്ക്രീനിൽ വന്നാൽ വല്ലാത്തൊരു മാജിക്കാണ്: പ്രശംസയുമായി വിശാൽ

തനിക്കൊപ്പം അഭിനയിച്ച നായികമാരിൽ ഭൂരിഭാഗവും മലയാളികളാണെന്നും അവർ കഴിവുള്ളവരാണെന്നും വിശാൽ പറയുന്നു. മലയാളി നടിമാർ ഒരു പ്രത്യേക വിഭാഗമാണെന്നും അവർ സ്ക്രീനിൽ വന്നാൽ അതൊരു മാജിക്കായിരിക്കുമെന്നും താരം വ്യക്തമാക്കി. തമിഴ് സിനിമകളിൽ നായികമാരായി എത്തുന്നത് മലയാളികളാണ്. എന്റെ മിക്ക സിനിമകളിലും മലയാളികളാണ് നായികമാർ. മീരാ ജാസ്മിൻ, മംമ്ത മോഹൻദാസ്, ലക്ഷ്മി മേനോൻ തുടങ്ങി നിരവധി പേർ നായികമാരായെത്തിയിരുന്നു. മലയാളത്തിലെ നടിമാർ വളരെ കഴിവുള്ളവരാണ്. എന്തുകൊണ്ടെന്ന് അറിയില്ല, പക്ഷേ, അവർ സ്‌ക്രീനിൽ വന്നാൽ അതൊരു മാജിക്കായിരിക്കും, അങ്ങേയറ്റം കഴിവുള്ളവരാണ് മലയാള നടിമാർ. അസാധ്യ അഭിനയം കാഴ്ച്ചവക്കുന്നവരുമാണ്.

സൂപ്പർ താരങ്ങളായ ഫഹദും ടൊവിനോയും ദുൽഖറും മികച്ച നടന്മാരാണെന്നും പ്രണവ് മോഹൻലാൽ അഭിനയിക്കുമെന്ന് താൻ പ്രതീക്ഷിച്ചിരുന്നില്ലെന്നും വിശാൽ പറയുന്നു. പ്രണവിന്റെ സിനിമ കണ്ടപ്പോൾ ഒരുപാട് സന്തോഷവും അഭിമാനവും തോന്നിയെന്നും വിശാലൽ. വിജയ്‌യെ നായകനാക്കി ഒരു ചിത്രം സംവിധാനം ചെയ്യുക എന്നതാണ് തന്റെ ഏറ്റവും വലിയ ആഗ്രഹമെന്നും വിശാൽ പറഞ്ഞു. കുറെ നാളായി അതിനെ കുറിച്ച് ആലോചിച്ചു. ഇതാണ് ഇപ്പോൾ തന്റെ ഏറ്റവും വലിയ സ്വപ്നമെന്നും വിശാൽ പറഞ്ഞു.