നടൻ മോഹൻലാലിനൊപ്പം അഭിനയിക്കാനുള്ള ആഗ്രഹം വ്യക്തമാക്കി ബോളിവുഡ് താരം അമിത് സാധ്. തന്റെ ജീവിതത്തിലെ ഏറ്റവും വലിയ മോഹങ്ങളിൽ ഒന്നാണ് മോഹൻ ലാലിനെപ്പോലെയൊരു അനശ്വര നടനൊപ്പം അഭിനയിക്കുകയെന്നും അമിത് സാധ്.
അഭിനയ ജീവിതത്തിന് ഇടവേള നൽകി ഇന്ത്യയൊട്ടാകെ ബൈക്കിൽ ചുറ്റി നടക്കുകയാണ് അമിത് സാധ്. യാത്ര ഡൽഹിയിലെത്തിയപ്പോഴാണ് തന്റെ സ്വപ്നത്തെക്കുറിച്ച് അമിത് പറഞ്ഞത്. ഇന്ത്യൻ ഇൻ‌ഡസ്ട്രിയിലെ അതിശക്തനായ അഭിനേതാവ് എന്നാണ് മോഹൻലാലിനെ അമിത് വിശേഷിപ്പിച്ചത്. ഒരു യഥാർഥ നടനെന്നാൽ മോഹൻലാലാണെന്നും അമിത് സാധ്. അമിതാഭ് ബച്ചനെയും ഏറെ സ്നേഹിക്കുന്ന അമിത് സർക്കാർ എന്ന ചിത്രത്തിൽ ബിഗ്ബിക്കൊപ്പം വേഷമിട്ടിരുന്നു.
ബോളിവുഡ് യുവതാരം ആലിയ ഭട്ടിനൊപ്പം അഭിനയിക്കാനും ആഗ്രഹമുണ്ടെന്നും അമിത് സാധ് പറയുന്നു. വളരെ കഴിവുള്ള നായികയാണ് ആലിയ. കായ്പോചെ, സർക്കാർ, ബ്രീത് ഇന്റുദി ഷാഡോസ് എന്നീ ചിത്രങ്ങളിലൂടെയും ശ്രദ്ധയനായ യുവതാരമാണ് അമിത് സാധ്. ഇന്ത്യയെ അടുത്തറിയുക എന്ന ലക്ഷ്യവുമായി ഇന്ത്യ മുഴുവൻ യാത്ര ചെയ്യുക എന്ന തന്റെ സ്വപ്നത്തിന് പിന്നാലെയാണ് ഇപ്പോൾ അമിത് സാധ്. കഴിഞ്ഞ മാസം 25 ന് ആരംഭിച്ച സോളോ ട്രിപ്പ് ഈ മാസം 25 ന് അവസാനിക്കും.
Post Your Comments