സിനിമയുടെ പേരിൽ ഇന്ത്യ മാറ്റി ‘ഭാരത്’ എന്ന് ചേർത്ത് നടൻ അക്ഷയ് കുമാർ: താരത്തിനെ പ്രശംസിച്ച് ആരാധകർ

അക്ഷയ് കുമാർ തന്റെ വരാനിരിക്കുന്ന പ്രോജക്റ്റ് മിഷൻ റാണിഗഞ്ച് എന്ന ചിത്രത്തിന്റെ പേര് ചെറുതായി ഒന്ന് പരിഷ്കരിച്ചതാണ് ഇപ്പോൾ സോഷ്യൽ മീഡിയയിൽ സംസാര വിഷയം.

മിഷൻ റാണിഗഞ്ച്: ദി ഗ്രേറ്റ് ഇന്ത്യൻ റെസ്‌ക്യൂ എന്നായിരുന്നു അക്ഷയ് കുമാറിന്റെ ചിത്രത്തിന് മുമ്പ് പേരിട്ടിരുന്നത്, എന്നാൽ ഇന്ത്യയെ ഭാരത് എന്ന് പുനർനാമകരണം ചെയ്യുന്നതിനെ ചൊല്ലിയുള്ള വിവാദങ്ങൾക്കിടയിലാണ് ചിത്രത്തിന്റെ പേര് മാറ്റുന്നത്, മിഷൻ റാണിഗഞ്ച്: ദി ഗ്രേറ്റ് ഭാരത് റെസ്‌ക്യൂ എന്നാണ് താരം ചിത്രത്തിന്റെ പേര് മാറ്റിയത്. ഭാരത് എന്ന് ചേർത്തതിനെ പലരും വിമർശിക്കുകയും ട്രോളുകയും ചെയ്യുന്നുണ്ട്, എന്നാൽ ഭാരത് എന്ന പേര് ഇട്ടതിനോട് അനുകൂലിക്കുന്നവരാണ് ഏറെയും. 2023 ഒക്ടോബർ 6 ന് തീയറ്ററുകളിൽ റിലീസ് ചെയ്യുമെന്നാണ് വിവരം.

ഒരു യഥാർഥ കഥയെ ആസ്പദമാക്കി ഒരുങ്ങുന്ന ചിത്രമാണ് മിഷൻ റാണിഗഞ്ച്: ദി ഗ്രേറ്റ് ഭാരത് റെസ്‌ക്യൂ. ഭാരതത്തിനെ കൽക്കരി ഖനി രക്ഷാദൗത്യത്തിന് നേതൃത്വം നൽകിയ അന്തരിച്ച ശ്രീ ജസ്വന്ത് സിം​ഗ് ​ഗില്ലിന്റെ വീര കഥകളാണ് ചിത്രത്തിന് അടിസ്ഥാനം. 1989 നവംബറിലെ റാണി​ഗഞ്ചിൽ കൽക്കരി ഖനിയിൽ വെള്ളം കയറി ഉണ്ടായ അപകടത്തിൽ അകപ്പെട്ടവരെ രക്ഷിച്ച ജസ്വന്ത് സിം​ഗ് ​ഗില്ലായാണ് അക്ഷയ് കുമാർ വേഷമിടുന്നത്.