രജനി ചിത്രം ജയിലർ ഒടിടിയിലേക്ക്: റിലീസ് തിയതി അറിയാം

സൂപ്പർസ്റ്റാർ രജനികാന്തിന്റെ ഏറ്റവും പുതിയ ബ്ലോക്ക്ബസ്റ്റർ, നെൽസൺ ദിലീപ്കുമാർ സംവിധാനം ചെയ്ത “ജയിലർ” ബോക്‌സ് ഓഫീസിൽ സൂപ്പർ ഹിറ്റായി ഓടുകയാണ്.

ആരാധകർ ആകാംക്ഷയോടെ കാത്തിരിക്കുന്ന ഒടിടി റിലീസ് തീയതി വെളിപ്പെടുത്തിയിരിക്കുകയാണ് അണിയറ പ്രവർത്തകർ.

സെപ്റ്റംബർ 7 ന് ആമസോൺ പ്രൈം വീഡിയോയിൽ പ്രീമിയർ ചെയ്യും. തമന്ന ഭാട്ടിയ, രമ്യ കൃഷ്ണ, ജാക്കി ഷ്റോഫ്, മിർണ മേനോൻ, സുനിൽ, നാഗ ബാബു, യോഗി ബാബു, വസന്ത് രവി എന്നിവരുൾപ്പെടെയുള്ള മുൻനിര അഭിനേതാക്കളും രജനി ചിത്രത്തിലുണ്ട്.

സൺ പിക്‌ചേഴ്‌സ് നിർമ്മിക്കുന്ന ചിത്രം അനിരുദ്ധ് രവിചന്ദറിന്റെ സംഗീതസംവിധാനത്തിലാണ് പുറത്തെത്തിയത്. തമിഴ്, തെലുങ്ക്, ഹിന്ദി, മലയാളം, കന്നഡ തുടങ്ങി ഒന്നിലധികം ഭാഷകളിൽ ചിത്രം ലഭ്യമാകുമെന്നാണ് വിവരം. റിട്ടയേർഡ് ജയിലർ ടൈഗർ മുത്തുവേൽ പാണ്ഡ്യനായാണ് രജനി ചിത്രത്തിലെത്തിയത്. തന്റെ മകന്റെ കൊലയാളികളെ കണ്ടെത്താനുള്ള തിരച്ചിൽ നടത്തുന്നതാണ് ചിത്രത്തിന്റെ കഥ. മലയാളത്തിന്റെ സൂപ്പർസ്റ്റാർ മോഹൻലാൽ, കന്നഡ സൂപ്പർസ്റ്റാർ ശിവ രാജ്കുമാർ, ബോളിവുഡ് താരം ജാക്കി ഷ്റോഫ് എന്നിവരും ചിത്രത്തിൽ പ്രത്യേക അതിഥി വേഷങ്ങൾ അവതരിപ്പിക്കുന്നു. സൺ പിക്‌ചേഴ്‌സിന്റെ ബാനറിൽ കലാനിധി മാരൻ നിർമ്മിച്ച ഈ ചിത്രത്തിന്റെ രചന നിർവ്വഹിച്ചിരിക്കുന്നത് നെൽസണാണ്.