‘ഓണം പിള്ളേര് ഇടിച്ച് നേടി’ : ആർഡിഎക്സിനെക്കുറിച്ച് ലിജോ ജോസ് പെല്ലിശ്ശേരി

നീരജ് മാധവ്, ഷെയ്ൻ നി​ഗം, ആന്റണി വർഗീസ് എന്നിവരെ കേന്ദ്ര കഥാപാത്രങ്ങളാക്കിക്കൊണ്ട് നഹാസ് ഹിദായത്ത് സംവിധാനം ചെയ്ത ‘ആർഡിഎക്സ്’ മികച്ച പ്രതികരണം നേടുകയാണ്. ഓണം റിലീസായി എത്തിയ ‘ആർഡിഎക്സ്’ കണ്ടവർ ‘ഓണം പിള്ളേര് ഇടിച്ച് നേടി’ എന്നാണ് അഭിപ്രായപ്പെടുന്നത്. ഇപ്പോഴിതാ സിനിമയ്ക്ക് പിന്തുണ അറിയിച്ച് എത്തിയിരിക്കുകയാണ് സംവിധായകൻ ലിജോ ജോസ് പെല്ലിശ്ശേരി.

read also: 685 കോടിയുടെ ചന്ദ്രയാൻ- 3 എന്ന അഭിമാനം കളയാൻ ഇങ്ങനെയൊരു അധ്യാപിക മതി: ഹരീഷ് പേരടി

ലിജോ ജോസിന്റെ സ്ഥിരം ശൈലിയിൽ ആർഡിഎക്സ് എന്ന് മാത്രമാണ് പോസ്റ്റിൽ കുറിച്ചിരിക്കുന്നത്. പിന്നാലെ ‘ആശാനെ..’, എന്ന കമന്റുമായി ആന്റണി വർ​ഗീസ് എത്തി.

‘ആശാനേ ചെക്കന്മാർ നല്ല പൊട്ടിക്കൽ ആണ്, പെപെ യുടെ ഇടി.. എന്ന് പറഞ്ഞാൽ കിന്റൽ ഇടിയാണ്…woof…അത് കാണാൻ തന്നെ ഒരു രസമാണ്, അടിതടയുടെ ആദ്യ പാഠങ്ങൾ പഠിപ്പിച്ച ഗുരുവിന്റെ അനുഗ്രഹം’, എന്നിങ്ങനെ പോകുന്നു മറ്റ് കമന്റുകൾ.

ആദർശ് സുകുമാരൻ, ഷബാസ് റഷീദ് എന്നിവര്‍ ചേർന്നു തിരക്കഥ എഴുതിയ ഈ ചിത്രത്തിൽ ബാബു ആന്റണി, ലാൽ, ഐമ റോസ്മി സെബാസ്റ്റ്യൻ, മഹിമ നമ്പ്യാർ, മാല പാർവതി, ബൈജു എന്നിവരും പ്രധാന വേഷങ്ങളിൽ എത്തുന്നുണ്ട്.