മലയാളത്തിന്റെ പ്രിയതാരങ്ങളിൽ ഒരാളാണ് മണിയന്‍ പിള്ള രാജു. ഡയലോഗ് പഠിക്കുന്നതില്‍ അതിസമര്‍ഥരായ തന്റെ സഹപ്രവര്‍ത്തകരായ നടന്മാരെക്കുറിച്ച് മണിയന്‍ പിള്ള രാജു പങ്കുവച്ച വാക്കുകൾ സോഷ്യൽ മീഡിയയിൽ ശ്രദ്ധ നേടുന്നു.
എത്ര നീളമുള്ളതായാലും ഡയലോഗ് കാണാപാഠം പഠിച്ചു മാത്രം ലൊക്കേഷനില്‍ എത്തുന്ന നടന്മാരുണ്ടെന്നു മണിയൻപിള്ള രാജു പറയുന്നു. അത്തരത്തില്‍ മൂന്നു പേരെ കുറിച്ച് ഒരു ടി.വി പരിപാടിയ്ക്കിടെ മണിയൻപിള്ള രാജു പങ്കുവച്ചതാണ് ഇപ്പോൾ വീണ്ടും ചർച്ചയാകുന്നത്.
read also: ആരാധകരുടെ പ്രിയതാരം നടി സീമ ദേവ് അന്തരിച്ചു
അഞ്ച് പേജ് ഡയലോഗ് കാണേണ്ട താമസം, അത് പഠിച്ചെടുക്കുന്ന മൂന്നു നടന്മാരെയാണ് താന്‍ ഇതുവരെ കണ്ടിട്ടുള്ളത് എന്നാണ് രാജു പറയുന്നത്.
അഞ്ച് പേജ് ഡയലോഗ് അഞ്ച് മിനിറ്റ് കൊണ്ട് പഠിച്ചവതരിപ്പിക്കുന്ന പ്രകൃതക്കാരനാണ് മോഹൻലാൽ. ചോദിച്ചാല്‍, ഞാന്‍ പഠിച്ചതല്ല, ഒന്ന് സ്‌കാന്‍ ചെയ്തതാണ് എന്നാകും മോഹന്‍ലാലിന്റെ മറുപടിയെന്നും മണിയൻപിള്ള രാജു പറയുന്നു
ഇതേ ശീലം കണ്ടിട്ടുള്ള മറ്റ് രണ്ടു നടന്‍മാർ പൃഥ്വിരാജ്, സിദ്ധിഖ് എന്നിവരാണ്. നടന്‍ ജഗതി ശ്രീകുമാറും ഇക്കാര്യത്തില്‍ കേമനാണെന്ന് ഒപ്പം വേഷമിട്ട പല താരങ്ങളും പറഞ്ഞിട്ടുണ്ടെന്നും മണിയൻപിള്ള രാജു കൂട്ടിച്ചേർത്തു.
Post Your Comments