ജന്മ ദിനത്തിൽ പുത്തൻ ചിത്രം പ്രഖ്യാപിച്ച് മെ​ഗാസ്റ്റാർ ചിരഞ്ജീവി

‘മെഗാ 157’ എന്ന് പേരിട്ടിരിക്കുന്ന വരാനിരിക്കുന്ന ചിത്രത്തിനായി മെ​ഗാസ്റ്റാർ ചിരഞ്ജീവി ചലച്ചിത്ര നിർമ്മാതാവായ വസിഷ്ഠയുമായി കൈകോർക്കുന്നു.

ഫാന്റസി എന്റർടെയ്‌നർ ആയിരിക്കും ചിത്രമെന്നാണ് സൂചന. ചിരഞ്ജീവിയുടെ ജന്മദിനമായ ഇന്ന് ഓഗസ്റ്റ് 22 ന് പ്രഖ്യാപിച്ച ‘മെഗാ157’ എന്ന നടന്റെ പുതിയ ചിത്രത്തെക്കുറിച്ച് അറിയാനുള്ള ആകാംക്ഷയിലാണ് ആരാധകർ. യുവി ക്രിയേഷൻസിന്റെ ബാനറിൽ വി വംശി കൃഷ്ണ റെഡ്ഡി, പ്രമോദ് ഉപ്പളപതി, വിക്രം റെഡ്ഡി എന്നിവർ ചേർന്ന് ഒരുക്കുന്ന ‘മെഗാ157’ എന്ന ചിത്രം ചിരഞ്ജീവിയുടെ കരിയറിലെ ഏറ്റവും ചിലവേറിയ ചിത്രമായിരിക്കുമെന്നാണ് റിപ്പോർട്ടുകൾ.

ചിരഞ്ജീവിയെ നായകനാക്കി മെഹർ രമേഷ് സംവിധാനം ചെയ്ത ചിത്രമാണ് ഭോലാ ശങ്കർ. കീർത്തി സുരേഷ്, തമന്ന ഭാട്ടിയ എന്നിവരും ചിത്രത്തിൽ പ്രധാന വേഷങ്ങളിൽ   എത്തുന്നുണ്ട്. എകെ എന്റർടെയ്ൻമെന്റ്‌സ് നിർമ്മിച്ച ഈ കൊമേഴ്‌സ്യൽ എന്റർടെയ്‌നറിന് സംഗീതം ഒരുക്കിയത് മഹതി സ്വര സാഗർ ആണ്. സുശാന്ത്, വെണ്ണേല കിഷോർ, തരുൺ അറോറ, മുരളി ശർമ്മ, തുളസി, ശ്രീമുഖി, തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്. പ്രതീക്ഷിച്ച വിജയം നേടാനാകാതെ തിയേറ്ററിൽ ദുരന്തമായി മാറുന്ന കാഴ്ച്ചയാണ് ഭോലാ ശങ്കർ എന്ന ചിത്രത്തിന്റേത്.