സ്വാമിയേ ശരണമയ്യപ്പാ; ശബരിമലയിലെത്തി അയ്യപ്പസ്വാമിയെ തൊഴുത് നടി ​ഗീത

ചിങ്ങമാസത്തിൽ ശബരിമലയിലെത്തി അയ്യപ്പ സ്വാമിയെ തൊഴുത് പ്രശസ്ത നടി ​ഗീത. ശബരിമലയിൽ അയ്യപ്പ സ്വാമിയെ തൊഴുന്ന ചിത്രങ്ങളാണ് വൈറലാകുന്നത്.

തന്ത്രി മഹേഷ് മോഹനര്, മേൽശാന്തി എസ് ജയരാമൻ പോറ്റി, എന്നിവരെ സന്ദർശിച്ച് പ്രസാദം സ്വീകരിച്ചു. ദേവസ്വം ബോർഡ് പ്രസിഡന്റ് കെ അനന്ത​ഗോപനെയും കണ്ടതിന് ശേഷമാണ് കുടുംബാം​ഗങ്ങളുമൊന്നിച്ച് സന്നിധാനത്ത് നിന്ന് മടങ്ങിയത്. തമിഴ്, തെലുങ്ക്, കന്ന‍ഡ, ഹിന്ദി സിനിമകളിൽ സജീവമായിരുന്നു നടി ​ഗീത. മലയാള ചിത്രങ്ങളിൽ സൂപ്പർ നായികയായി തിളങ്ങി, പ്രേക്ഷക മനസ് കവർന്ന താരം കൂടിയാണ് ​ഗീത.
ഒരു വടക്കൻ വീര​ഗാഥ, പഞ്ചാ​ഗ്നി, അഭിമന്യു, അയ്യർ ദി ​ഗ്രേറ്റ്, ആധാരം, ആവനാഴി, വൈശാലി, വാത്സല്യം, സുഖമോ ദേവി എന്നിങ്ങനെ നിരവധി സൂപ്പർ ഹിറ്റ് ചിത്രങ്ങളുടെ ഭാ​ഗമായിരുന്നു താരം. വാത്സല്യം എന്ന ചിത്രം ​ഗീതയുടെ എക്കാലത്തെയും മികച്ച ചിത്രങ്ങളിൽ ഒന്നു കൂടിയാണ്. മലയാള സിനിമാ പ്രേക്ഷകർ ഏറ്റെടുത്ത സൂപ്പർഹിറ്റ് ചിത്രത്തിലെ ​ഗീതയുടെ പ്രകടനവും ഏറെ ശ്രദ്ധിക്കപ്പെട്ടിരുന്നു.

സന്നിധാനത്തെത്തിയ താരത്തിന്റെ ചിത്രങ്ങൾ വൈറലായി മാറി. കറുപ്പും മജന്ത കളറും ചേർന്ന ലളിതമായ സാരി ഉടുത്ത താരത്തെയാണ് ചിത്രങ്ങളിൽ കാണാനാകുന്നത്. അയ്യപ്പ ദർശനം തേടിയെത്തിയ താരത്തിന്റെ ചിത്രങ്ങൾക്ക് സോഷ്യൽ മീഡിയയിൽ വൻ വരവേൽപ്പാണ് ലഭിക്കുന്നത്.